Yêrêmi 6:7 - Nau Brah Ndu Ngơi 2023

⁷ Nâm bu ntu dak mâm ƀư prăp ăn dak nđik nâm pônây, Pôri ƀon nây ăt prăp nau mhĭk păng pônây lĕ. Lam ƀon knŏng tăng nau ƀai jêh ri ƀư rai; Tanăp măt Gâp knŏng saơ ji kuet jêh ri sôt rmanh.

Yêrêmi 6:7 Iomraidhean Croise

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsai 57:20

Ƀiălah phung ƀai jêng tâm ban ma dak mƀŭt rbuh, Mâu blau rlu ôh, Dak mpât ƀư klôn bŏk jêh ri neh ƀơ̆.”

Êsai 59:6

Ntâu khân păng mâu dơi dŏng ƀư bok ao ôh, Mâu lĕ khân may dơi nsoh ndơ khân păng tanh jêh; Nau kan khân păng jêng kan nau mhĭk, Kôp ti khân păng bêng ma nau ƀai.

Yêrêmi 20:8

Ăp tơ̆ gâp ngơi gâp mra lah huy, Gâp nter huy, “Nau ƀai jêh ri ƀư rai!” Yorlah nau Brah Yêhôva Rĭ dĭng bu mưch jêh ri bêk prêng ma gâp ăp nar.

Yêrêmi 30:12

Brah Yêhôva lah: ‘Nau rmanh may mâu dơi bah ôh, Sôt rmanh may glăm ngăn.

Yêrêmi 30:13

Mâu geh du huê koh dŏng ăn ma may, Sôt rmanh vay dơi săm bah, Ƀiălah may mâu geh dak si săm ôh.

Yêrêmi 30:15

Mâm may hôm nter lah yor ji sôt rmanh may? Nau ji may mâu dơi bah ôh. Yorlah nau may tih toyh ngăn, Nau djơh mhĭk may âk ngăn Yor nây Gâp ƀư ma may nâm bu pônây.

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Êsêkiêl 21:29

Pôri yor Kôranh Brah Yêhôva lah: ‘Yor khân may lĕ nkah jêh gay kah gĭt tay nau mhĭk khân may nơm, bu mra mpơl nau tih khân may, nau tih tâm lĕ rngôch nau ƀư bu mra mpơl; yorlah khân may dơi nkah nau tih nây yor ri bu mra nhŭp khân may.

Êsêkiêl 24:7

Yorlah mham păng pling jêh hôm e ta nklang păng; Păng pling mham nây ta klơ lŭ chrêk Mâu pling ôh ta neh Gay ăn ma ndruyh neh brôi lơi.

Êsêkiêl 45:9

Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Êsêkiêl 7:11

Nau janh ƀai hŏ văch jêh nâm bu mâng nau mhĭk; mâu geh du huê bunuyh tâm phung khân păng hôm e klen, mâu hôm geh âk bunuyh, mâu hôm geh nau ndrŏng kuăng, mâu hôm geh nau khlay ta nklang khân păng.

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Sôphôni 3:1

Rêh ni ngăn ma ƀon tâm rdâng jêh ri ƀơ̆ ƀơch, Jêng ƀon toyh ƀư nau tŭn jot!