Yêrêmi 6:6 - Nau Brah Ndu Ngơi 2023

⁶ Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Yêrêmi 6:6 Iomraidhean Croise

Êsai 37:33

Yor nây, Brah Yêhôva lah ma hađăch Asiri kơt aơ: ‘Păng mâu mra lăp ƀon aơ ôh, mâu mra pănh tong hăr ta nây, mâu đŏng sŏk khêl mâu lah bât pôih gay rduh lơh ƀon.

Yêrêmi 20:8

Ăp tơ̆ gâp ngơi gâp mra lah huy, Gâp nter huy, “Nau ƀai jêh ri ƀư rai!” Yorlah nau Brah Yêhôva Rĭ dĭng bu mưch jêh ri bêk prêng ma gâp ăp nar.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 39:1

Khay jât, năm rơh sĭn rnôk rô̆ Y-Sêdêkia, hađăch Yuđa, Y-Nêbukatnetsar, hađăch Babilôn, djôt leo ndrel ma phung tahan hăn văch tâm lơh jêh ri văr jŭm ƀon Yêrusalem.

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Êsêkiêl 4:2

Ăn may nchueng lơh ma ƀon nây, ndâk njêng pôih, ƀư mpêr tâm rdâng đah păng; dăp phung tahan nchueng lơh jêh ri nkra mâng ƀư klưh lơi mpêr jŭm ƀon tâm rdâng đah păng.

Êsêkiêl 5:5

Yêhôva Brah Ndu lah: “Aơ jêng ƀon Yêrusalem; Gâp hŏ ndâk jêh păng ta nklang lĕ ntil mpôl bunuyh jêh ri lĕ bri dak gŭ jŭm păng.

Daniel 11:15

Hađăch mpeh pa lơ mra văch ndâk pôih jêh ri dơi sŏk du play ƀon nâp. Phung tahan mpeh pa dâng mâu mra hôm dơi tâm rdâng ôh, nđâp ma phung tahan blau ăt mâu hôm geh nau ktang tâm rdâng.

Sôphôni 3:1

Rêh ni ngăn ma ƀon tâm rdâng jêh ri ƀơ̆ ƀơch, Jêng ƀon toyh ƀư nau tŭn jot!

Luka 19:43

Yorlah mra geh nar, phung rlăng mra bât pôih, nchueng jŭm jêh ri rêt nâp puăn mpeh ma may.