Yêrêmi 6:5 - Nau Brah Ndu Ngơi 2023

⁵ Aƀaơ, he rduh lơh hom tâm dôl măng, Ƀư rai lĕ ngih hađăch păng!”

Yêrêmi 6:5 Iomraidhean Croise

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Nau Mprơ Ơm 48:3

Brah Ndu gŭ lĕ pôih nâp tâm ƀon Jêh ri Păng jêng ntŭk păng nde krap.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Amôt 2:5

Gâp mra njuăl ŭnh tât ta Yuđa Ŭnh mra su rai lĕ pôih nâp ƀon Yêrusalem.”

Apdia 1:1

Nau Y-Apdia tâm saơ. Kôranh Brah Yêhôva lah ma bri Êđôm: He lĕ tăng nau mbơh tă bơh Brah Yêhôva Jêh ri bu prơh hăn du huê nơm mbơh tât ta nklang lĕ bri dak: “Dâk hom khân may! Dâk hom he tâm lơh đah păng!

Sakari 11:1

Hơi bri Liban, ăn may pơk lĕ mpông, Ăn ŭnh sa lĕ tơm si sêdar may!