Yêrêmi 6:30 - Nau Brah Ndu Ngơi 2023

³⁰ Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Yêrêmi 6:30 Iomraidhean Croise

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

Nau Mprơ Ơm 119:119

May mƀăr lơi lĕ rngôch phung ƀai bơh neh ntu nâm bu ndŏk; Yor ri, gâp rŏng ma lĕ nau May ntĭnh.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Hôr 25:4

Sŏk hom mƀum luh bơh prăk, Ri mơ kôranh chiăr prăk dơi geh ndơ dŏng;

Êsai 1:22

Prăk may rgâl jêng mƀum, Ndrănh krăk ƀâu may tâm lŭk lai đah dak.

Êsai 1:25

Gâp mra yơr ti tâm rdâng tay đah may, Ƀư ăn may kloh lĕ ndŏk nâm bu ƀư kloh mah, Jêh ri sŏk lơi lĕ ndruyh ndrak bơh may.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 23:33

“Dôl phung ƀon lan aơ, mâu lah du huê nơm mbơh lor, mâu lah du huê kôranh ƀư brah, ôp may pô aơ: ‘Moh ndơ Brah Yêhôva ƀư jâk?’ May plơ̆ lah: ‘May nơm yơh jêng ƀư jâk,’ jêh ri Brah Yêhôva lah: ‘Gâp mra chalơi lĕ khân may.’

Yêrêmi 7:1

Aơ jêng nau Brah Yêhôva lah ma Y-Yêrêmi:

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Nau Nhĭm Vơl 5:22

Di lĕ May lĕ chalơi jêh hên, Jêh ri ji nuih ma hên hâu ngăn?

Ndrom Samƀŭt bơh Ôsê 9:17

Brah Ndu gâp mra chalơi khân păng Yorlah khân păng mâu iăt nau Păng Jêh ri khân păng mra hăn nsong mblêng ta nklang lĕ bri dak.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Mathay 5:13

Khân ay may jêng boh ma neh ntu, ƀiălah tơlah boh mâu hôm kah ôh, mâm bu mra ƀư kah păng? Păng mâu hôm khlay ôh, knŏng mƀăr lơi padih jêh ri bu jot plên ma jâng.

Samƀŭt Pôl Njuăl Ăn Ma Phung Nsing Ta Ƀon Rôm 11:1

Pônây gâp dăn ôp, Brah Ndu mâp lơi lĕ phung ƀon lan Păng? Mâu, mâu mâp ôh! Yorlah gâp nơm jêng bunuyh Israel, bơh noi deh Y-Abraham, bơh ndŭl mpôl Benjamin.