Yêrêmi 6:26 - Nau Brah Ndu Ngơi 2023

²⁶ Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Yêrêmi 6:26 Iomraidhean Croise

Nau Ntơm 21:16

jêh nây păng nơm hăn jêh ri gŭ mpeh tra năp, ƀah ma kon se nây klăp truyh pănh ma hăr, yorlah păng lah: “Lơi ôh ăn gâp saơ khĭt kon gâp!” Dôl păng gŭ tâm tham tra năp nĕ, păng nhĭm nter.

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Êsai 3:24

Ndơ ƀâu ôm mra ntrok ma ndơ ƀâu kah; Rse brăt ntrok jêng rse bŭt; Bôk hil ntrok ma sŏk krô; Ao bok ƀau ntrok ma ao jong ueh ngăn; Têl loih gŭch krĕt ntrok ma nau ueh.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsai 32:11

Ơ phung bu ur mpay êng, râm sâr hom, Ơ phung bu ur mâu gĭt njrăng, ăn khân ay rŭng răng! Doh lơi hom bok ao khân ay, gŭ rhôk hom, Vân hom bŭt khân ay ma bok ƀau.

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 18:22

Dăn ăn bâr kuăl rklaih huy luh bơh ngih khân păng, Dôl May ƀư ăn phung ntŭng rduh lơh ndal! Yorlah khân păng hŏ kuyh ntu gay nhŭp gâp, Drăng dăk ăn ma jâng gâp chêh prah.

Yêrêmi 30:5

“Brah Yêhôva lah: ‘He hŏ tăng jêh bâr nter nau phit phơr Nau klach krit, mâu di nau đăp mpăn ôh.

Yêrêmi 4:11

Aƀaơ mra geh nau ngơi ma phung ƀon lan aơ jêh ri Yêrusalem pô aơ: “Geh du chông sail duh bơh lĕ yôk hil tâm bri rdah mra khôm ta klơ phung kon bu ur ƀon lan Gâp, mâu di gay nsiăng mâu lah mpruh ba,

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Yêrêmi 8:21

Yorlah nau sôt rmanh phung kon bu ur ƀon lan gâp nuih n'hâm gâp ji ngăn yơh, Gâp nhĭm vơl klâng ndrê, nau krit nhŭp nâp gâp.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Nau Nhĭm Vơl 1:16

Yor nây gâp nhĭm nhhiăng; Gâp hor âk dak măt; Yorlah nơm bonh leng gâp ngai jêh ma gâp, Mâu geh nơm n'hao nuih gâp ôh. Phung kon gâp gŭ êng, Yorlah phung rlăng hŏ dơi jêh.”

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 2:11

Măt gâp lĕ huănh hươi jêh yor hoch âk dak măt, Proch khŭng uh ah ngăn; Nuih n'hâm gâp lĕ nkhŭt tâm neh Yorlah kon bu ur ƀon lan gâp bu ƀư rai jêh; Yorlah phung kon se jê̆ jêh ri oh bê Cha lôt prah tâm lĕ trong sâng.

Nau Nhĭm Vơl 3:16

Păng theng sêk gâp ta klơ lŭ chreh, Ăn gâp lâng kôn akrŏ tâm ndruyh neh.

Nau Nhĭm Vơl 3:48

Dak măt gâp hoch jêng dak n'hor Yorlah bu ur ƀon lan gâp lĕ rai yot jêh.

Nau Nhĭm Vơl 4:10

Bar ti mê̆ bêng ma nuih n'hâm yô̆ klâng ngăn, Hôm gâm puăch kon păng nơm; Njêng khân păng jêng ndơ sông sa Tâm nôk bu jot plên phung bu ur ƀon lan gâp.

Nau Nhĭm Vơl 4:3

Rlau ma nĕ phung so bri Hôm e ăn toh ma kon pu, Ƀiălah kon bu ur phung ƀon lan gâp janh ngăn, Nâm bu sĭm klang kŭk tâm bri rdah.

Nau Nhĭm Vơl 4:6

Nau tih kon bu ur phung ƀon lan gâp Rlau lơn nau tih Sôdôm Jêng ƀon bu n'glưh ƀât lât dơm, Mâu geh ôh du mpang ti kơl tâm rklaih.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Luka 7:12

Nôk Păng văch dăch ta mpông ƀon, bu mhe luh tung du huê bunuyh khĭt, jêng kon bu klâu kon dul bu ur ndrô. Geh âk bunuyh gŭ tâm ƀon nây tă bơh ƀon hăn njŭn nau khĭt ndrel bu ur nây.

Yakơ 4:9

rngot rvê hom, nter lŭng hom, nhĭm nhhiăng hom; rgâl hom gơm jêng nhĭm, rgâl hom maak jêng nau rngot klâng.

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.