Yêrêmi 6:24 - Nau Brah Ndu Ngơi 2023

²⁴ Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Yêrêmi 6:24 Iomraidhean Croise

Nau Mprơ Ơm 48:6

Nau râm sâr văch tât nchueng khân păng. Khân păng geh nau ji ngăn tâm ban ma bu ur dôl ji deh.

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 4:31

Yorlah gâp tăng bâr lŭng nter nâm bu bâr bu ur ntơm ji deh, Bâr rđêng nâm bu bâr du huê bu ur deh kon dak bôk. Nây jêng bâr kon bu ur Siôn nsôr nthôk nthơk Jêh ri laih ti vơl nhĭm: “Rêh ni ăn gâp! Gâp khĭt huăr tanăp măt phung nkhĭt bunuyh!”

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 49:24

Ƀon Damas hŏ râm nsâr jêh, ndôn kơi nchuăt du, Nau klach krit chiă uănh păng; Păng rngot rvê nđêh nji, Nâm bu du huê bu ur veng deh.

Yêrêmi 50:43

Tăng lư nau nây, Ti jâng hađăch Babilôn hươi ra ai ngăn, Nau klach krit rêt nâp ta păng Ƀư ma păng ji kruăn rêt nâm bu ur ji deh.

Êsêkiêl 7:17

Lĕ rngôch ti hŏt rgănh da dê, lĕ rngôch kômâk rbăn huơi da dê nâm bu dak!

Daniel 5:9

Hađăch Belsasar rŭng răng ngăn, muh măt păng êr lơn, jêh ri phung kôranh păng mâu gĭt moh ƀư.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.