Yêrêmi 6:12 - Nau Brah Ndu Ngơi 2023

¹² Ngih vâl, lŏ sre ndrel ma ur kon khân păng Mra jao tâm ti phung êng; Yorlah Gâp mra yơr ti Tâm rdâng đah ƀon lan ta neh nây,” Brah Yêhôva lah pônây.

Yêrêmi 6:12 Iomraidhean Croise

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 21:5

Gâp nơm yơh, tâm nau duh nuih, ji nuih jêh ri nau ji nuih hâu ngăn ngên mra yơr mpang ti pơk huy jêh ri tur ti dăng ktang tâm lơh tâm rdâng dah khân may.

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 38:23

Lĕ rngôch phung ur kon hađăch bu mra njŭn leo ăn ma phung Kaldê; bi ma hađăch ăt mâu mra klaih ôh bơh ti khân păng, ƀiălah hađăch Babilôn mra nhŭp jêh ri bu mra su ƀon aơ ma ŭnh.”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Nau Nhĭm Vơl 3:3

N'hêl nanê̆, ăp nar, Păng yơr ti Ƀư mhĭk ma gâp ƀaƀơ.

Nau Nhĭm Vơl 5:11

Khân păng nchâp gay bê̆ch ndrel đah bu ur tâm ƀon Siôn, Jêh ri ƀư mhĭk ma phung bu ur druh tâm ƀon n'gor Yuđa.

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Nau Nhĭm Vơl 5:3

Hên lĕ roh mbơ̆ jêng kon đơi, Mê̆ hên jêng bu ur ndrô jêh.

Êsêkiêl 35:3

Lah hom ma khân păng, Kôranh Brah Yêhôva lah: ‘Hơi yôk Sêir, Aơ, Gâp tâm rdâng đah may! Gâp mra yơr ti tâm rdâng đah may, ƀư ăn may jêng rngot njăp, ntŭk rngol.

Êsêkiêl 7:24

Gâp mra njŭn leo lĕ bunuyh mhĭk lơn tâm lĕ rngôch phung bu năch gay ŭch pit in ngih khân păng. Gâp mra ƀư ma nau sưr nơm ktang lơn bu mra nhhât; lơi; lĕ ntŭk kloh ueh khân păng mra ƀư ƀơ̆ lơi.

Mika 2:4

Tâm nar nây, bu mra gơm mưch ma khân may; Khân păng mra mprơ du nau mprơ nhĭm vơl pô aơ: ‘He rai yot lĕ rngôch jêh! Păng sŏk lơi drăp ndơn bơh phung ƀon lan gâp Ăn păng du bơh gâp, Sŏk neh mir gâp jêh nây tâm pă ăn ma phung ƀlăch ƀlêr.’”

Sôphôni 1:13

Drăp ndơ khân păng bu mra sŏk pit, Ngih vâl bu mra chalơi rngot. Khân păng mra ndâk ngih ƀiălah mâu geh gŭ ôh, Tăm tơm krăk ƀâu ƀiălah mâu geh nhêt ôh dak ndrănh.”

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.