Yêrêmi 6:11 - Nau Brah Ndu Ngơi 2023

¹¹ Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Yêrêmi 6:11 Iomraidhean Croise

Êsai 40:30

Phung druh ndăm ăt huăr rgănh, Phung bu klâu ndăm ăt chêh prah đŏng.

Yêrêmi 15:17

Gâp mâu gŭ nsum mâu lah pâl rlưn Ndrel ma bunuyh pâl ngơi pâl; Gâp gŭ êng du huê yor ti May tŭn jâk ta gâp, Yorlah May hŏ ƀư nau ji nuih bêng ta klơ gâp.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 2:21

Rŏ trong sâng, phung mom ndăm jêh ri phung bu ranh Lâng bê̆ch mbrach; Phung bu klâu ndăm bu ur druh gâp Cha lôt khĭt da dê yor ma chiông đao. May hŏ nkhĭt lơi jêh khân păng tâm nar ji nuih, Ƀư nkhĭt khân păng mâu geh nau yô̆ ôh.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 3:3

Păng lah: “Hơi kon bunuyh, sŏk hom ndrom samƀŭt klôt Gâp ăn may sa ăn hơm, ƀư ăn bêng ndŭl.” Pônây gâp sa jêh ri tâm trôm mbung saơ nau njŭng nâm bu dak sŭt.

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Luka 17:34

Gâp lah ma khân may, tâm măng nây, bar hê bunuyh gŭ bê̆ch tâm du mlâm sưng bê̆ch: du huê bu djôt leo hăn, du huê bu chalơi.

Kôranh Oh Mon 17:16

Rnôk nây, Y-Pôl gŭ kâp Y-Silas jêh ri Y-Timôthê ta ƀon Athen, păng ji nuih lah saơ ƀon nây bêng ma rup brah.

Kôranh Oh Mon 18:5

Tơlah Y-Silas jêh ri Y-Timôthê văch tă bơh n'gor Masêđôn, Y-Pôl knŏng mĭn ma kan nti lah, mpơl ma phung Yuđa ma nau Brah Yêsu jêng Brah Krist.

Kôranh Oh Mon 4:20

Yorlah hên mâu dơi mâu ngơi ma lĕ nau hên nơm hŏ saơ jêh ri tăng.”

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”