Yêrêmi 6:10 - Nau Brah Ndu Ngơi 2023

¹⁰ Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Yêrêmi 6:10 Iomraidhean Croise

Nau Mprơ Ơm 1:2

Ƀiălah păng maak răm ma nau vay Brah Yêhôva Jêh ri mĭn rvê nau vay nây măng nâm nar.

Nau Mprơ Ơm 119:16

Gâp maak tâm nau vay dăp May Mâu mra chuêl ôh nau May ngơi.

Nau Mprơ Ơm 119:174

Ơ Brah Yêhôva; gâp ŭch rŏng ma nau May tâm rklaih, Jêh ri gâp rŏng ma nau vay May.

Nau Mprơ Ơm 119:24

Lĕ nau ntĭnh bơh May jêng nau gâp rŏng, Khân păng jêng phung nchŏng an trong ma gâp.

Nau Mprơ Ơm 119:35

Ăn gâp hăn tĭng trong nau vay May ntăm Yorlah gâp rŏng trong nây.

Nau Mprơ Ơm 119:70

Nuih n'hâm khân păng men, mbâl nâm bu ngi, Ƀiălah gâp rŏng ma nau vay May.

Nau Mprơ Ơm 119:77

Ăn nau May yô̆ nđach văch ma gâp gay ma gâp dơi rêh, Yorlah gâp rŏng kơnh ma nau vay May.

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Êsai 42:20

May saơ jêh âk nau, ƀiălah mâu mâp klâng rvê ôh; Tôr may pơk jêh, ƀiălah may mâu tăng ôh.”

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Yêrêmi 35:13

“Brah Yêhôva ma phung tahan, Brah Ndu Israel, lah: Hăn ngơi hom ma phung Yuđa jêh ri phung gŭ ta ƀon Yêrusalem pô aơ: Brah Yêhôva lah: ‘khân may mâu sŏk dơn nau nkah nti, jêh ri mâu iăt hĕ nau Gâp ngơi?

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Yêrêmi 9:26

nây jêng phung ƀon lan Êjipt, phung Yuđa, phung Êđôm, phung kon sau Ammôn, phung Môap jêh ri lĕ rngôch phung ƀon lan poih sŏk bar đah n'geng tôr jêh ri gŭ rêh tâm bri rdah. Yorlah lĕ rngôch ndŭl mpôl aơ mâu koh ntâu da dê, bi lĕ rngôch ngih phung Israel mâu koh ntâu tâm nuih n'hâm.”

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Êsêkiêl 33:3

bunuyh nây saơ đao tât tâm bri dak păng uh nŭng gay mbơh ma phung ƀon lan.

Êsêkiêl 33:9

Ƀiălah, tơlah may hŏ mbơh jêh ma phung mhĭk chalơi lĕ trong djơh mhĭk păng ƀiălah păng mâu ŭch lơi ôh, păng mra khĭt tâm nau djơh mhĭk păng ƀiălah may hŏ rklaih jêh nau rêh may nơm.

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Luka 11:45

du huê nơm nti nau vay ngơi ro: “Hơi Nơm Nti, May ngơi nau nây jêng bêk prêng ma lĕ hên đŏng.”

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Yôhan 9:40

Phung Pharisi gŭ dăch ta nây tăng kơt nây, lah ma Brah Yêsu: “Bi hên chieh măt ƀơh?”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Kôranh Oh Mon 7:60

Jêh nây păng chon kômâk, nter huy: “Ơ Kôranh Brah, lơi kơp nau tih aơ ma khân păng!” Lah lôch nau ngơi nây, păng bê̆ch.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

ហេឞ្រើ 11:7

Yor ma nau chroh, Brah Ndu mbơh lor ma Y-Nôê ma lĕ ndơ ê hŏ saơ ôh, jêh ri păng klach yơk ma nau nanê̆ ngăn, ndâk du mlâm kumpăn gay ma tâm rklaih rnăk vâl păng nơm. Bơh nau nây, păng dơi rmal neh ntu jêh ri jêng nơm dơn nau sŏng srăng tât bơh nau chroh.