Yêrêmi 52:6 - Nau Brah Ndu Ngơi 2023

⁶ Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Yêrêmi 52:6 Iomraidhean Croise

II Phung Hađăch 25:3

Ta nar sĭn khay nây, geh nau ji ngot hâu ngăn tâm ƀon jêng knap ngăn kŏ tât mâu geh piăng let sa ma phung ƀon lan tâm n'gor bri.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Yêrêmi 15:2

Dôl khân păng ôp ma may: ‘Ntŭk hên mra hăn?’ pôri lah hom ma khân păng pô aơ Brah Yêhôva lah kơt aơ: ‘Mbu geh thăm ăn ma nau ji tưp, mra dơn nau ji tưp; Mbu geh thăm ma pêh đao, mra dơn pêh đao; Mbu geh thăm ma sa sât ji ngot, mra dơn sa sât ji ngot; Mbu geh thăm ăn jêng bu nă, mra dơn jêng bu nă.’ ”

Yêrêmi 19:9

Gâp mra ƀư ăn khân păng sa puăch phung kon bu klâu kon bu ur khân păng nơm. Dôl rnôk bu nchueng jŭm, geh phung rlăng jêh ri phung joi ŭch ƀư rai nau rêh njŭn ma nau rêh ni, khân păng sa puăch ndrăng băl khân păng nơm.’

Yêrêmi 21:9

Mbu nơm hôm gŭ tâm ƀon aơ mra khĭt yor ma đao, ma nau sât ji ngot, jêh ri ma nau ji tưp; ƀiălah mbu nơm du luh bơh ƀon jêh ri luh jao săk khân păng nơm ma bunuyh Kaldê dôl gŭ nchueng mra rêh; bunuyh nây ăt klaih săk jêh ri dơi prăp nau rêh păng nơm.’

Yêrêmi 25:10

‘Gâp mra ƀư ăn ta nklang khân păng mâu hôm geh bâr mprơ răm maak, bâr klay bâr ƀăn, nteh bu rvah mpăl, jêh ri mâu hôm ang nchrat ang ŭnh kađen.

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yêrêmi 38:9

“Ơ kôranh gâp hađăch, phung bunuyh aơ hŏ ƀư jêh nau mhĭk ma nơm mbơh lor Y-Yêrêmi. Khân păng hŏ nklăch păng tâm ntu dak gay ma păng khĭt ji ngot tâm dâng nây, yorlah tâm ƀon mâu hôm geh piăng let đŏng ôh.”

Yêrêmi 39:2

Ta nar sĭn khay puăn năm rơh jât ma nguay rnôk rô̆ Y-Sêdêkia, ƀon toyh bu lơh rai.

Nau Nhĭm Vơl 1:11

Lĕ rngôch phung ƀon lan păng n'ho hăn dăn ƀănh sa N'ho ma vah vơl; Rgâl lĕ rngôch jay prăp drăp ndơ khlay gay geh ndơ sông sa Gay ƀư ăn mpay ma huêng khân păng. “Ơ Brah Yêhôva dăn uănh hom, Yorlah prêng ngăn ma gâp!”

Nau Nhĭm Vơl 5:10

Ntâu săk hên duh gring nâm bu năk gŭch Yorlah nau ji ngot su hên!

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 31:1

Ta năng nguay, khay pe, tâm năm rơh jât nguay, geh du nau Brah Yêhôva lah ma gâp:

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Êsêkiêl 7:15

Mpeh padih geh tak đao, mpeh tâm trôm geh nau ji tưp jêh ri sa sât ji ngot! Mbu moh bunuyh gŭ tâm mir mra khĭt ma gưm đao; mbu nơm gŭ tâm trôm ƀon mra khĭt nau sa sât ji ngot jêh ri nau ji tưp ran sŏk rvăn.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.