Yêrêmi 52:4 - Nau Brah Ndu Ngơi 2023

⁴ Ta nar jât khay jât tâm năm rơh sĭn rnôk rô̆ hađăch Sêdêkia, Y-Nêbukatnetsar, hađăch Babilôn, djôt leo lĕ rngôch phung tahan hăn tâm lơh ƀon Yêrusalem. Khân păng ndâk ntŭk tahan gŭ nchueng jêh ri ƀư mpêr tâm lơh văr jŭm ƀon.

Yêrêmi 52:4 Iomraidhean Croise

Êsai 29:3

Gâp mra ƀư pôih văr jŭm may, Ƀư pôih nchueng jŭm may Rdâk pôih tâm rdâng đah may.

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Yêrêmi 39:1

Khay jât, năm rơh sĭn rnôk rô̆ Y-Sêdêkia, hađăch Yuđa, Y-Nêbukatnetsar, hađăch Babilôn, djôt leo ndrel ma phung tahan hăn văch tâm lơh jêh ri văr jŭm ƀon Yêrusalem.

Yêrêmi 4:17

Khân păng nchueng Yêrusalem nâm bu nơm chiă mir; Yorlah ƀon nây hŏ tâm rdâng đah Gâp.’” Brah Yêhôva lah pônây.

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 26:8

Hađăch nây mra djôt đao nkhĭt kon bu ur may dôl gŭ tâm mir; mra ndâk pôih jêh ri yơr khêl tâm rdâng đah may.

Êsêkiêl 33:21

Tâm năng nguay, khay jât, năm rơh jât bar, pakơi nôk nau bu nhŭp hên hăn ƀư bu nă, geh du huê bunuyh rklaih jêh tă bơh ƀon Yêrusalem văch mbơh ma gâp pô aơ: “Ƀon lĕ bu sŏk jêh!”

Êsêkiêl 40:1

Năm rơh bar jât ma prăm rnôk he jêng bu nă, ta bôk năm, năng jât khay nây, jêng năm jât ma puăn jêh bu sŏk ƀon toyh Yêrusalem, ăt tâm nar nây lĕ, ti Brah Yêhôva dơm ta klơ gâp jêh ri Păng leo gâp lăp tâm ƀon nây.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Luka 19:43

Yorlah mra geh nar, phung rlăng mra bât pôih, nchueng jŭm jêh ri rêt nâp puăn mpeh ma may.

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.