Yêrêmi 52:11 - Nau Brah Ndu Ngơi 2023

¹¹ Hađăch nây đă rloch lơi măt Y-Sêdêkia, nkông ma rse rvăk kông. Hađăch Babilôn njŭn leo Y-Sêdêkia ma bri Babilôn, krŭng tâm ndrung kŏ tât nar khĭt.

Yêrêmi 52:11 Iomraidhean Croise

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 39:7

Hađăch nây rloch lơi măt Y-Sêdêkia, nkông ma rse rvăk kông gay njŭn leo ma bri Babilôn.

Nau Nhĭm Vơl 2:6

Păng ƀư rai ngih brah păng nâm bu ƀư rai ndưp tâm du n'gar trao; Păng ƀư rai lơi nđâp ma ntŭk păng prăp nau tâm rƀŭn. Ta ƀon Siôn, Brah Yêhôva hŏ ƀư chuêl jêh Nar tâm rƀŭn jêh ri nar saƀat; Tâm nau ji nuih, Păng rhuăt lơi jêh hađăch jêh ri kôranh ƀư brah.

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Êsêkiêl 17:16

Kôranh Brah Yêhôva lah: ‘Tĭng nâm gâp gŭ rêh mro mrăng, hađăch nây mra khĭt ta bri Babilôn, tâm ntŭk păng hŏ njêng hađăch jêh, yorlah păng tâm rmot nau ton jêh ri chalơi rlau nau tâm rnglăp.

Êsêkiêl 23:24

Khân păng ndrăp ndơ tâm lơh, ndeh seh, ndeh rdeng ndơ, jêh ri du phung tahan âk râk văch tâm rdâng đah ay; khăn păng sŏk khêl toyh, khêl jê̆, jêh ri ndô môk loih nchueng jŭm ay. Gâp mra jao nau phat dôih khân păng jêh ri khân păng mra phat dôih tĭng nâm nau vay ƀư khân păng.