Yêrêmi 51:9 - Nau Brah Ndu Ngơi 2023

⁹ ‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Yêrêmi 51:9 Iomraidhean Croise

II Nau Rêh Jêng 28:9

Geh ta nây, du huê nơm mbơh lor Brah Yêhôva amoh Y-Ôdet. Păng hăn mâp phung tahan dôl plơ̆ sĭt bơh Samari, jêh ri lah ma khân păng: “Aơ, Yêhôva Brah Ndu phung che khân may hao ji nuih ma phung Yuđa yor ri Păng jao khân păng tâm ti khân may, jêh ri khân may nkhĭt khân păng ma nau ji nuih, nau nây lư n'hôl tât trôk.

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Êsai 13:14

Rnôk nây, tâm ban ma du mlâm njoih bu tĭng nhŭp, Tâm ban ma phung biăp mâu geh nơm chiăp, Ăp nơm mra sĭt ma phung ƀon lan păng nơm, Jêh ri ăp nơm mra du sĭt ta bri păng nơm.

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Yêrêmi 46:16

Păng ƀư âk bunuyh chêh prah, Bunuyh aơ prah ta klơ nơm êng, jêh ri nsum ndrel: ‘Gơnh dâk, plơ̆ sĭt ma ntŭk ƀon lan gâp, Plơ̆ sĭt ta ntŭk bri me deh gâp, Du ngai bơh tak đao nơm tŭn jot!’

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 50:16

Ƀư ngroh lơi nơm srih ntil tă bơh Babilôn Jêh ri nơm djôt nhuĕ tâm yan rek. Yorlah klach mpiăt đao ma nơm tŭn jot Yor nây ăp nơm mra plơ̆ sĭt ndrel ma ndŭl mpôl păng nơm, Jêh ri nchuăt du ma ƀon tơm păng nơm.

Yêrêmi 8:20

“Yan kăch rek hŏ rlau, yan ta vai lôch jêh, Phung hên mâu hŏ dơi tâm rklaih!”

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Nau Tâm Mpơl 18:4

Jêh nây gâp tăng du bâr êng tă bơh trôk, lah pô aơ: “Hơi phung ƀon lan Gâp, luh hom bơh ƀon Babilôn! Klach lah khân may hăn lăp nau tih ndrel ma păng, Jêh ri khân may dơn nau rêh ni ndrel ma păng:

Nau Tâm Mpơl 18:5

Yorlah nau tih păng bun prêh tât ta klơ trôk. Jêh ri Brah Ndu kah gĭt ma nau tih mhĭk păng.