Yêrêmi 51:6 - Nau Brah Ndu Ngơi 2023

⁶ Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Yêrêmi 51:6 Iomraidhean Croise

Nau Mprơ Ơm 94:1

Ơ Brah Yêhôva jêng Brah Ndu, ma nau plơng bôk jêng ndơ May, Ơ Brah Ndu, nau plơng bôk jêng ndơ May, dăn sol ang nau chrêk rmah May.

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 25:16

Khân păng mra nhêt, mra chuat hăn ndĭt ndiu jêh ri ji nuih yor đao Gâp njuăl ta nklang khân păng.”

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 48:6

Du hom, rklaih êng nau rêh khân ay may nơm, Nâm bu rlô pôm si tâm bri rdah!

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Yêrêmi 50:8

Du hom tă bơh Babilôn, du luh hom bơh bri Kaldê, hăn hom panăp nâm bu be nkuăng hăn leo mpôl!

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:36

Yor nây, Brah Yêhôva lah: “Aơ, Gâp mra koh dŏng may, Plơng bôk ăn ma may. Gâp mra ƀư suăt lơi dak mƀŭt păng Jêh ri tu dak păng suăt kro;

Yêrêmi 51:45

Ơ phung ƀon lan Gâp, luh du hom tă bơh păng, Ăp nơm ăn tâm rklaih êng păng nơm Klaih tă bơh nau Brah Yêhôva duh nuih!

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Nau Nhĭm Vơl 3:64

Ơ Brah Yêhôva, May mra plơng bôk khân păng Tĭng nâm kan ti khân păng ƀư.

Nau Kơp Bunuyh 16:26

Păng lah ma phung tâm rƀŭn: “Aƀaơ, du ngai hom tă bơh ngih bok phung janh ƀai aơ, jêh ri lơi pah moh ndơ prăp ma khân păng, klach lah khân may mra khĭt yorlah nau tih khân păng.”

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

I Timôthê 5:22

Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.