Yêrêmi 51:53 - Nau Brah Ndu Ngơi 2023

⁵³ Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Yêrêmi 51:53 Iomraidhean Croise

Nau Ntơm 11:4

Khân păng lah: “Kay lŏng, ăn he ƀư ma he nơm du mlâm ƀon toyh jêh ri ndâk du mlâm ngih gung geh chor prêh tât ta trôk, gay ma he geh nau lư n'găr jêh ri mâu geh ôh nhhêng nhhiang lam klơ neh.”

Ndrom Samƀŭt bơh Yôp 20:6

Nđâp lah nau sưr păng prêh kŏ tât klơ trôk, Bôk păng tom tât ta tŭk,

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Êsai 47:5

Ơ kon bu ur phung Kaldê, Gŭ rklăk hom, jêh ri rŭch ta ntŭk ngo! Yorlah bu mâu hôm mra rnha ay Jêng hađăch bu ur ma lĕ rngôch ƀon bri hađăch.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Yêrêmi 50:21

“N'hoch hom tât bri Mêrathaim, Jêh ri văch lơh păng; Rduh lơh hom ma phung gŭ tâm bri Pêkôt. Nkhĭt jêh ri ƀư rai kŏ tât ma bunuyh nglĕ dŭt; Ƀư ăn di tĭng ăp ntil nau Gâp hŏ ntĭnh jêh ma may.” Brah Yêhôva lah pônây.

Yêrêmi 50:25

Brah Yêhôva hŏ pơk jêh ntŭk prăp ndơ tâm lơh Djôt ndơ tâm lơh ma nau ji nuih, Yorlah Kôranh Brah jêng Brah Yêhôva ma phung tahan Geh du nau kan ŭch ƀư tâm bri phung Kaldê.

Yêrêmi 50:45

Pônây iăt hom nau Brah Yêhôva ŭch ƀư hŏ nkra gay phat dôih ma ƀon Babilôn jêh ri nau păng ŭch mĭn hŏ ndâk gay phat dôih ma phung Kaldê: Nđâp ma mpô mpa jê̆ lê̆ tâm phung biăp bu mra têk leo, ntŭk ndrêch gơ̆ khân păng jêng rngot njăp klach ngăn.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:25

Brah Yêhôva lah: “Aơ, ơ yôk ƀư rai, Gâp tâm rdâng đah may, Nơm ƀư rai lĕ neh ntu! Gâp mra yơr ti ƀư mhĭk ma may, Mra rlă may tă bơh lĕ pŭng yôk, Ƀư ăn may jêng yôk ŭnh sa jêh.

Yêrêmi 51:48

Nôk nây, trôk, neh jêh ri ăp ntil ndơ tâm nây Geh bâr troh maak ma Babilôn Yorlah phung ƀư rai tă bơh mpeh pa lơ Văch tât ƀư rai păng.” Brah Yêhôva lah pônây.

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Yêrêmi 51:58

Brah Yêhôva ma phung tahan lah: “Mpêr ƀon nâp ƀon Babilôn Bu mra ƀư lâng, Mpông ƀon prêh păng Mra ŭnh sa. Nây jêng, phung ƀon lan hŏt r'ah mâu geh du ntil ndơ, Lĕ rngôch bri dak pah kan ăn ma ŭnh jêh ri hŏt rgănh da dê.”

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Amôt 9:2

Nđâp tơlah khân păng kuyh neh lăp jŭr tâm ƀon phung khĭt Ti Gâp mra nklĕ ngluh khân păng; Nđâp tơlah khân păng hao ta klơ trôk Gâp mra ntrŭnh khân păng.

Amôt 9:4

Nđâp tơlah khân păng hăn jêng bu nă Ta nây, Gâp mra ntĭnh ma đao, hăn nkhĭt lơi khân păng. Nanê̆ ngăn măt Gâp mra gŭ uănh khân păng Gay ƀư nau mhĭk mâu di nau ueh ôh.”

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.