Yêrêmi 51:43 - Nau Brah Ndu Ngơi 2023

⁴³ Lĕ ƀon păng hŏ jêng nau klach krit ngăn, Jêng du n'gor bri sơh, bri rdah, N'gor bri mâu geh bunuyh gŭ ôh, Mâu geh du huê bunuyh prot rgăn.

Yêrêmi 51:43 Iomraidhean Croise

Nau Mprơ Ơm 46:8

Văch hom uănh lĕ nau kan Brah Yêhôva, Nau Păng ƀư rai ƀư jêh ta neh ntu.

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Êsai 47:11

Yor nây, nau djơh mhĭk mra tât ndal ma ay Ƀiălah ay mâu gĭt ôh tă păng văch; Nau rêh ni mra tŭp ta ay, Ƀiălah ay mâu dơi king ôh; Nau ƀư rai mra tât ma ay ƀât lât dơm, Ƀiălah ay mâu năn gĭt ôh.

Yêrêmi 18:16

Bri dak khân păng jêng ntŭk rngot njăp, Ƀư nau gơm mưch mro mrăng ma neh ntu; Nơm sĭt nơm hăn hih rhâl da dê Knŏng hôm gĭt rteh bôk.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 50:12

Yor nây mê̆ khân may mra prêng ngăn, Bu deh ma khân may mra bêk prêng ngăn ngên. Ri, păng jêng nglĕ dŭt tâm lĕ bri dak, Du bri rdah, du bri kro đang, du ntŭk rngol.

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Yêrêmi 51:37

Ƀon Babilôn mra jêng du mbŭch ndơ djơh rai, Jêng trôm so bri, Jêng ntŭk ƀơ̆ ƀơch jêh ri ndơ gơm ma lĕ rngôch bunuyh, Mâu geh bunuyh gŭ ôh.

Yêrêmi 51:62

Jêh ri lah: ‘Ơ Brah Yêhôva, May hŏ lah jêh May mra ƀư rai ƀon aơ, ntơm bơh kon bunuyh tât ma mpô mpa mâu dơi rêh da dê ôh, jêh ri ntŭk aơ mra jêng rngol ƀaƀơ n'ho ro.’