Yêrêmi 51:36 - Nau Brah Ndu Ngơi 2023

³⁶ Yor nây, Brah Yêhôva lah: “Aơ, Gâp mra koh dŏng may, Plơng bôk ăn ma may. Gâp mra ƀư suăt lơi dak mƀŭt păng Jêh ri tu dak păng suăt kro;

Yêrêmi 51:36 Iomraidhean Croise

Nau Mprơ Ơm 107:33

Păng tâm rgâl dak krong jêng bri rdah, Dak n'hor jêng neh sơh.

Nau Mprơ Ơm 140:12

Gâp gĭt Brah Yêhôva mra koh dŏng nau di ma phung o ach, Phat dôih nau sŏng ma bunuyh pưt kƀah.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Nau Hôr 23:11

Yorlah Nơm Tâm Chuai khân păng jêng Nơm geh nau brah, Mra koh dŏng nau phong dôih bơh khân păng tâm rdâng đah may.

Êsai 19:5

Dak mƀŭt mra suăt, Dak krong mra sơh jêh ri kro.

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 44:27

Brah Ndu lah ma ntu dak jru pô aơ: ‘Suăt hom may, Gâp mra ƀư suăt lơi lĕ dak krong may.’

Yêrêmi 50:38

Ăn prăng phang ta klơ n'hor dak krong, Ƀư ma khân păng suăt kro! Yorlah bri nây bêng ma rup trah, Khân păng rluk yor rup brah.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Êsêkiêl 25:14

Gâp mra dŏng ti phung ƀon lan Israel gay plơng har ma Êđôm jêh ri khân păng mra ƀư ma phung ƀon lan Êđôm tĭng nâm nau ji nuih jêh ri nau Gâp nuih ngăn. Rnôk nây, khân păng mra gĭt mâm nau Gâp plơng har, Kôranh Brah Yêhôva lah pônây.’”

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Samƀŭt Pôl Njuăl Ăn Ma Phung Nsing Ta Ƀon Rôm 12:19

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.