Yêrêmi 51:34 - Nau Brah Ndu Ngơi 2023

³⁴ “Y-Nêbukatnetsar, hađăch Babilôn, hŏ rvăn jêh hên, Ƀư nchah rai hên; Hađăch nây ƀư ăn ma phung hên jêng du mlâm yăng nsoih, Rvăn hên nâm bu mpa bri toyh rvăn ndơ sa, Păng sŏk ndơ sa kah hên mbêng bêng ndŭl păng, Jêh ri mprơh hên hăn du.”

Yêrêmi 51:34 Iomraidhean Croise

Ndrom Samƀŭt bơh Yôp 20:15

Păng rvăn drăp ndơ jêh nây mra luh hok, Brah Ndu mra ngluh drăp ndơ nây luh tă ndŭl păng.

Nau Mprơ Ơm 74:13

May sŏk nau brah May gay ma rnglah lơi dak mƀŭt, Dong nchah bôk mpa djơh mhĭk tâm dak.

Nau Hôr 1:12

Phung he mra rvăn rêh khân păng nâm bu ƀon phung khĭt, Jêh ri rvăn glŏm nâm bu phung hăn trŭnh ma ntu môch;

Êsai 34:11

Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Êsai 42:22

Ƀiălah aơ jêng du phung ƀon lan bu ntŭng jêh ri bu pit sŏk jêh ndô ndơ; Lĕ rngôch khân păng dăk sân tâm trôm da dê, Jêh ri bu krŭng tâm ndrung; Khân păng jêng ndơ bu pit sŏk jêh ri mâu geh nơm tâm rklaih ôh, Jêng jêh ndơ bu pit sŏk Mâu geh nơm sâm lah pô aơ: “Mplơ̆ tay hom!”

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:7

Ma mbu moh mâp khân păng ran rvăn khân păng da dê. Phung rlăng khân păng lah: ‘Hên mâu geh tih ôh yorlah khân păng hŏ ƀư tih jêh đah Brah Yêhôva jêng ndrêch gơ̆ ngăn, nâm bu ntĭt Brah Yêhôva, Nau phung chô yau khân păng kâp gân.’

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:49

Ndah âk bunuyh bu ƀư chôt khĭt yor ma bri Babilôn; Abaơ, Babilôn mra chôt khĭt yor hŏ nkhĭt âk bunuyh phung Israel.

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Nau Nhĭm Vơl 2:16

Lĕ rngôch phung rlăng may Hă mbung tâm rdâng đah may; Khân păng nsŭch, rket sêk, jêh nây lŭng nter: “He ƀư rai jêh păng! Aơ jêng nar he gŭ kâp gân, He hŏ dơi ngăn jêh, hŏ dơi saơ jêh!”

Êsêkiêl 36:3

Yor ri, mbơh lor hom pô aơ: “Kôranh Brah Yêhôva lah: ‘N'hêl nanê̆, yorlah khân păng hŏ ƀư ăn khân may jêng rngol jêh ri rduh lơh khân may tă bơh ăp njônh gay ma khân may jêng drăp ndơn ma phung ƀon lan hôm e klen lĕ bri dak jêh ri khân may jêng ndơ phung ƀon lan ntêh rmot, ngơi mưch.’

Ndrom Samƀŭt bơh Ôsê 8:8

Israel bu sa rvăn jêh. Aƀaơ aơ khân păng gŭ ta nklang phung ƀon lan Nâm bu ndô ndơ bu mâu ŭch rŏng ôh.

Amôt 8:4

Iăt hom nau aơ! Khân may jêng phung bunuyh tŭn jot phung ndĭt trơi, Ƀư rai phung o ach tâm n'gor.

Nahum 2:2

Yorlah Brah Yêhôva mra njêng tay nau chrêk ma lơp ma Yakôb Nâm bu nau chrêk ma lơp Israel, Nđâp tơlah phung sŏk pit hŏ sŏk pit jêh khân păng, Jêh ri lơh rai lĕ n'gĭng tơm krăk ƀâu khân păng.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.