Yêrêmi 51:25 - Nau Brah Ndu Ngơi 2023

²⁵ Brah Yêhôva lah: “Aơ, ơ yôk ƀư rai, Gâp tâm rdâng đah may, Nơm ƀư rai lĕ neh ntu! Gâp mra yơr ti ƀư mhĭk ma may, Mra rlă may tă bơh lĕ pŭng yôk, Ƀư ăn may jêng yôk ŭnh sa jêh.

Yêrêmi 51:25 Iomraidhean Croise

Nau Ntơm 11:4

Khân păng lah: “Kay lŏng, ăn he ƀư ma he nơm du mlâm ƀon toyh jêh ri ndâk du mlâm ngih gung geh chor prêh tât ta trôk, gay ma he geh nau lư n'găr jêh ri mâu geh ôh nhhêng nhhiang lam klơ neh.”

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 50:25

Brah Yêhôva hŏ pơk jêh ntŭk prăp ndơ tâm lơh Djôt ndơ tâm lơh ma nau ji nuih, Yorlah Kôranh Brah jêng Brah Yêhôva ma phung tahan Geh du nau kan ŭch ƀư tâm bri phung Kaldê.

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Yêrêmi 51:58

Brah Yêhôva ma phung tahan lah: “Mpêr ƀon nâp ƀon Babilôn Bu mra ƀư lâng, Mpông ƀon prêh păng Mra ŭnh sa. Nây jêng, phung ƀon lan hŏt r'ah mâu geh du ntil ndơ, Lĕ rngôch bri dak pah kan ăn ma ŭnh jêh ri hŏt rgănh da dê.”

Yêrêmi 51:7

Ƀon Babilôn jêng du mlâm kachok mah tâm ti Brah Yêhôva, Ƀư ăn lĕ rngôch bri neh nhŭl ndrănh; Lĕ rngôch bri dak hŏ nhêt jêh ndrănh păng. Yor nây yơh dĭng jêng brŭt rluk.

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 8:8

Tông mpăr rơh bar uh nŭng, geh ndơ nâm bu du mlâm yôk toyh ŭnh sa hâng, bu klŭp tâm dak mƀŭt. Du kô̆ tâm pe dak mƀŭt jêng mham,