Yêrêmi 51:24 - Nau Brah Ndu Ngơi 2023

²⁴ “Ƀiălah tra năp khân may, Gâp mra mplơ̆ sĭt ma Babilôn jêh ri phung gŭ tâm bri Kaldê ma ăp ntil nau mhĭk khân păng hŏ ƀư jêh tâm ƀon Siôn.” Brah Yêhôva lah pônây.

Yêrêmi 51:24 Iomraidhean Croise

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Êsai 48:14

Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Êsai 61:2

Gay mbơh năm Brah Yêhôva yô̆, Jêh ri nar Brah Ndu he plơng bôk, Gay ma bonh leng lĕ rngôch phung rngot klâng;

Êsai 66:6

Iăt hom, geh bâr drơu drơu bơh ƀon toyh, Geh nau nter bơh ngih brah, Păng jêng bâr Brah Yêhôva, Nơm plơng bôk ma phung rlăng đah Păng.

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 50:10

Bu mra ƀư rai pit in phung Kaldê, ma phung pit in păng mra dơi hơm răm ngăn”. Brah Yêhôva lah pônây.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:23

Gâp mra dŏng may ƀư rai rmăk biăp jêh ri biăp păng, Nơm ƀư mir jêh ri ndrôk chuar mir. Gâp mra dŏng may ƀư rai phung kôranh toyh jêh ri phung kôranh chiă uănh.”

Yêrêmi 51:35

Phung gŭ tâm ƀon Siôn mra lah: “Ăn nau ƀư ƀai hŏ ƀư jêh ăn ma hên jêh ri ma kon sau hên tât ma ƀon Babilôn!” Yêrusalem mra lah: “Ăn mham hên hoch ta klơ ƀon lan phung Kaldê!”

Yêrêmi 51:49

Ndah âk bunuyh bu ƀư chôt khĭt yor ma bri Babilôn; Abaơ, Babilôn mra chôt khĭt yor hŏ nkhĭt âk bunuyh phung Israel.

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Nau Nhĭm Vơl 3:64

Ơ Brah Yêhôva, May mra plơng bôk khân păng Tĭng nâm kan ti khân păng ƀư.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 18:24

Jêh ri ta ƀon aơ, bu joi saơ mham phung nơm mbơh lor, phung kloh ueh jêh ri lĕ rngôch phung bu tâm nkhĭt ta neh ntu.”

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”