Yêrêmi 51:12 - Nau Brah Ndu Ngơi 2023

¹² Yơr hom kơ nau mbên, Hăn tâm lơh lĕ mpêr ƀon Babilôn! Ntop hom phung gak, Ndâk pôih gak, tâm pă phung tahan kâp lơh! Yorlah Brah Yêhôva hŏ nkra jêh nau Păng ŭch ƀư Nau Păng hŏ lah ma phung ƀon lan gŭ tâm bri Babilôn.

Yêrêmi 51:12 Iomraidhean Croise

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 50:25

Brah Yêhôva hŏ pơk jêh ntŭk prăp ndơ tâm lơh Djôt ndơ tâm lơh ma nau ji nuih, Yorlah Kôranh Brah jêng Brah Yêhôva ma phung tahan Geh du nau kan ŭch ƀư tâm bri phung Kaldê.

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Nahum 2:1

Nơm ƀư rai văch jêh tâm rdâng đah may. Gay ma n'gang nâp pôih, Gak njrăng hom ta trong; Vân hom rse bŭt ăn ueh Jêh ri ndrăp nâp phung tahan!

Yôsuê 8:14

Saơ nau nây, hađăch ƀon Ai jêh ri phung ƀon lan păng ndal du luh tâm lơh đah phung Israel ntơm bơh ơm ôi ta ntŭk tâm nal jêh, mpeh neh lâng, ƀiălah hađăch mâu gĭt ôh geh du phung tahan gŭ kâp dâp ta pakơi ƀon.