Yêrêmi 51:11 - Nau Brah Ndu Ngơi 2023

¹¹ Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Yêrêmi 51:11 Iomraidhean Croise

I Phung Hađăch 11:14

Brah Yêhôva nsônh du huê dâk tâm rdâng đah Y-Salômôn jêng Y-Hadat, bunuyh Êđôm, jêng du huê tâm ngih hađăch Êđôm.

I Phung Hađăch 11:23

Brah Ndu nsônh tay du huê êng đŏng dâk tâm rdâng đah Y-Salômôn, jêng Y-Rêson, kon Y-Êliada, Y-Rêson, jêng bunuyh du tă bơh kôranh păng jêng Y-Hadadêser, hađăch n'gor Sôba.

I Nau Rêh Jêng 5:26

Pôri, Brah Ndu Israel nsônh nau mĭn Y-Pul, hađăch bri dak Asiri, jêh ri Y-Tiglat-Pilêser, hađăch bri dak Asiri, hăn tât gay nhŭp phung ndŭl mpôl Ruben, Gat, jêh ri du n'gul ndŭl mpôl Manasê, njŭn khân păng tât ma ƀon Hala, ƀon Habôr, ƀon Hara, jêh ri nkual ta dăch dak krong Gôsan, jêng ntŭk khân păng hôm gŭ tât ma nar aơ.

II Nau Rêh Jêng 36:22

Tâm năm rơh nguay rnôk rô̆ Y-Sirus hađăch Persi chiă uănh, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, Brah Yêhôva hŏ nsŭk nsôr nuih n'hâm Y-Sirus, hađăch Persi, gay ma păng tơih mbơh lam ƀon bri hađăch păng pô aơ:

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsai 10:26

Brah Yêhôva ma phung tahan mra rpăt mâng ta khân păng, nâm bu hŏ lơh jêh phung Madian ta lŭ Ôrep; Păng mra yơr mâng ta klơ dak mƀŭt tâm ban ma Păng hŏ ƀư jêh ta Êjipt.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 21:5

Bu ndrăp sưng sông sa, Dăp bunuyh gak, jêh ri khân păng sông sa nhêt. “Ơ phung kôranh chiă uănh, dâk hom! Mhĭng hom khêl ma dak ngi!”

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Êsai 45:1

Brah Yêhôva lah ma Y-Sirus, nơm Păng tŏ jêh dak ƀâu kah, tâm ban pônây: Gâp hŏ kuăn jêh ti ma may, Gay ma may tŭn mpet lĕ bri dak tanăp măt may; Gâp mra doh lơi rse bŭt phung hađăch, Pơk lĕ mpông bloh ƀon toyh tanăp may, Jêh ri pơk lĕ mpông pêr mâu ntĭl ndâp đŏng.

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Yêrêmi 25:25

lĕ rngôch hađăch Simri, lĕ rngôch hađăch Êlam, lĕ rngôch hađăch Mêdơ;

Yêrêmi 46:3

“Ndrăp rơm hom khêl jê̆ ndrel ma khêl toyh Jêh ri rduh ma nau tâm lơh!

Yêrêmi 46:4

Ơ phung tahan ncho seh, Dăp hom seh, ưn seh! Gơnh ndô môk loih jêh ri dăp ta ntŭk tâm lơh; Theng chông tak ăn hơr jêh ri nsoh ao loih!

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Yêrêmi 50:25

Brah Yêhôva hŏ pơk jêh ntŭk prăp ndơ tâm lơh Djôt ndơ tâm lơh ma nau ji nuih, Yorlah Kôranh Brah jêng Brah Yêhôva ma phung tahan Geh du nau kan ŭch ƀư tâm bri phung Kaldê.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 50:45

Pônây iăt hom nau Brah Yêhôva ŭch ƀư hŏ nkra gay phat dôih ma ƀon Babilôn jêh ri nau păng ŭch mĭn hŏ ndâk gay phat dôih ma phung Kaldê: Nđâp ma mpô mpa jê̆ lê̆ tâm phung biăp bu mra têk leo, ntŭk ndrêch gơ̆ khân păng jêng rngot njăp klach ngăn.

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:12

Yơr hom kơ nau mbên, Hăn tâm lơh lĕ mpêr ƀon Babilôn! Ntop hom phung gak, Ndâk pôih gak, tâm pă phung tahan kâp lơh! Yorlah Brah Yêhôva hŏ nkra jêh nau Păng ŭch ƀư Nau Păng hŏ lah ma phung ƀon lan gŭ tâm bri Babilôn.

Yêrêmi 51:24

“Ƀiălah tra năp khân may, Gâp mra mplơ̆ sĭt ma Babilôn jêh ri phung gŭ tâm bri Kaldê ma ăp ntil nau mhĭk khân păng hŏ ƀư jêh tâm ƀon Siôn.” Brah Yêhôva lah pônây.

Yêrêmi 51:35

Phung gŭ tâm ƀon Siôn mra lah: “Ăn nau ƀư ƀai hŏ ƀư jêh ăn ma hên jêh ri ma kon sau hên tât ma ƀon Babilôn!” Yêrusalem mra lah: “Ăn mham hên hoch ta klơ ƀon lan phung Kaldê!”

Yêrêmi 51:36

Yor nây, Brah Yêhôva lah: “Aơ, Gâp mra koh dŏng may, Plơng bôk ăn ma may. Gâp mra ƀư suăt lơi dak mƀŭt păng Jêh ri tu dak păng suăt kro;

Daniel 5:30

Măng nây ro, bu nkhĭt Belsasar, hađăch phung Kaldê.

Yôel 3:10

Sŏk hom rnglay kau kai chiăr đao, Sŏk nhuĕ chiăr tak. Bunuyh ra ai lah hom: “Gâp dăng ktang!”

Yôel 3:9

Mbơh hom nau aơ ta nklang lĕ bri dak: Ndrăp hom ma nau tâm lơh, Nsônh hom phung tahan janh ktang. Lĕ rngôch phung tahan tâm lơh hăn văch tât hom jêh ri rduh hom tâm lơh!

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Sakari 14:12

Aơ jêng nau rêh ni Brah Yêhôva ƀư gay phat dôih tâm rmal ma lĕ rngôch phung ƀon lan hăn tâm lơh đah Yêrusalem: Păng mra ƀư ma ăp nơm, dôl jâng khân păng hôm dâk nglay săk khân păng mra ôm, măt khân păng ôm tâm trôm ndăr măt, mpiăt khân păng ôm tâm trôm mbung păng.

Sakari 14:2

Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.