Yêrêmi 51:1 - Nau Brah Ndu Ngơi 2023

¹ Brah Yêhôva lah: “Aơ Gâp mra ƀư du sial ƀư rai, Hao ƀư rai đah Babilôn, Jêh ri phung ƀon lan gŭ tâm bri Kaldê.

Yêrêmi 51:1 Iomraidhean Croise

II Phung Hađăch 19:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng.’”

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 14:14

Gâp mra hao prêh lơn ma ndâr tŭk, Ƀư ma gâp tâm ban ma Nơm Dŭt Prêh.”

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Yêrêmi 23:19

Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Yêrêmi 49:36

Gâp mra ƀư sial tă bơh puăn njônh khôm tât ma bri Êlam. Gâp mra ƀư ma khân păng du chah rai pru pra ăp puăn njônh sial nây; mâu geh bri dak mâu geh phung bu mprơh tă bơh ma Êlam.

Yêrêmi 50:21

“N'hoch hom tât bri Mêrathaim, Jêh ri văch lơh păng; Rduh lơh hom ma phung gŭ tâm bri Pêkôt. Nkhĭt jêh ri ƀư rai kŏ tât ma bunuyh nglĕ dŭt; Ƀư ăn di tĭng ăp ntil nau Gâp hŏ ntĭnh jêh ma may.” Brah Yêhôva lah pônây.

Yêrêmi 50:24

Ơ Babilôn, Gâp hŏ sân jêh dăk ma may, May hŏ geh văk jêh ƀiălah mâu gĭt! Bu hŏ saơ jêh ri bu nhŭp may, Yorlah may hŏ tâm rlong jêh đah Brah Yêhôva.

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Yêrêmi 50:33

Brah Yêhôva ma phung tahan lah: “Phung kon sau Israel jêh ri phung kon sau Yuđa bu tŭn jot da dê; đơ phung nhŭp leo khân păng nkân khân păng ăn rjăp da dê, mâu ŭch mƀơk khân păng ôh.

Yêrêmi 50:9

Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 51:53

Nđâp tơlah ƀon Babilôn mra hao tât ta trôk, Geh ndâk pôih nâp ta klơ ntŭk prêh kđôi, Gâp ăt prơh phung tât ƀư rai Tâm lơh đah păng.” Brah Yêhôva lah pônây.

Yêrêmi 51:60

Y-Yêrêmi nchih lĕ rngôch nau mhĭk tât tâm du ndrom samƀŭt. Lĕ rngôch nau ngơi aơ nchih ma bri Babilôn.

Êsêkiêl 19:12

Ƀiălah bu rôk lơi jêh yor nau ji nuih Jêh ri bu mƀăr tâm neh. Sial tă bơh lŭ nar ƀư kro jêh păng, Play păng rŭng ƀhiau. Đơ n'gĭng dŭt toyh păng lĕ kro jêh; Ŭnh sa lơi lĕ rngôch păng!

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”