Yêrêmi 50:9 - Nau Brah Ndu Ngơi 2023

⁹ Yorlah aơ, Gâp mra n'hao du phung tâm rnglăp đah lĕ bri dak toyh ktang tă bơh mpeh pa lơ tâm rdâng đah Babilôn. Khân păng dăp tahan rduh lơh ƀon, lơh pit in ƀon. Hăr khân păng nâm bu tahan janh ktang blau pănh di, mâu sĭt ti dơm ôh.

Yêrêmi 50:9 Iomraidhean Croise

II Samuel 1:22

Na Y-Jônathan Mâu hôm plơ̆ sĭt jêh ri mâu hôm saơ krêp puăch mham bunuyh khĭt, Jêh ri ngi phung janh ktang; Đao Y-Sôl mâu đŏng plơ̆ sĭt dơm dam.

Nau Mprơ Ueh 3:8

Lĕ rngôch djôt đao da dê Bêng ma mbên nau tâm lơh, Ăp nơm djôt đao kêng păng nơm Njrăng rlăng nau ndơl dôl măng ngo.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Yêrêmi 15:14

Gâp mra ƀư may pah kan ma nơm rlăng may Tâm du n'gor may ê hŏ mâp gĭt, Yor nau Gâp ji nuih hao hit, Mra su rai lơi khân may.”

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 25:26

lĕ rngôch hađăch bri mpeh pa lơ, gŭ ngai mâu lah gŭ dăch, lĕ hađăch aơ tât ma hađăch ri; lĕ rngôch ƀon bri hađăch ta klơ neh ntu. Hađăch Sêsăk mra nhêt nglĕ dŭt.

Yêrêmi 50:14

Ơ phung khân may jêng nơm van na! Dăp hom phung tahan nchueng jŭm Babilôn; Pănh hom păng, lơi nhhuach lĕ chiông hăr Yorlah păng hŏ ƀư tih jêh đah Brah Yêhôva.

Yêrêmi 50:21

“N'hoch hom tât bri Mêrathaim, Jêh ri văch lơh păng; Rduh lơh hom ma phung gŭ tâm bri Pêkôt. Nkhĭt jêh ri ƀư rai kŏ tât ma bunuyh nglĕ dŭt; Ƀư ăn di tĭng ăp ntil nau Gâp hŏ ntĭnh jêh ma may.” Brah Yêhôva lah pônây.

Yêrêmi 50:26

Tă bơh jŭm bri dŭt ngai văch hom tâm lơh đah păng; Pơk lĕ jay prăp ndơ tâm lơh păng, Bun jêng mbŭch, jêh ri ƀư rai hom lĕ rngôch; Lơi ăn klen du ntil ndơ!

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.