Yêrêmi 50:7 - Nau Brah Ndu Ngơi 2023

⁷ Ma mbu moh mâp khân păng ran rvăn khân păng da dê. Phung rlăng khân păng lah: ‘Hên mâu geh tih ôh yorlah khân păng hŏ ƀư tih jêh đah Brah Yêhôva jêng ndrêch gơ̆ ngăn, nâm bu ntĭt Brah Yêhôva, Nau phung chô yau khân păng kâp gân.’

Yêrêmi 50:7 Iomraidhean Croise

Nau Mprơ Ơm 71:5

Yorlah, ơ Kôranh Brah jêng Brah Yêhôva, May jêng nau kâp gân Jêh ri jêng nau gâp rnơm nsing bơh hôm mom.

Nau Mprơ Ơm 79:7

Yorlah khân păng sa rvăn jêh Yakôb, Jêh ri ƀư rai ntŭk păng gŭ.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 56:9

Ơ lĕ rngôch mpô mpa bri, ơ lĕ rngôch mpa tâm krŏng, Lĕ rngôch văch kăp rvăn hom.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Yêrêmi 50:14

Ơ phung khân may jêng nơm van na! Dăp hom phung tahan nchueng jŭm Babilôn; Pănh hom păng, lơi nhhuach lĕ chiông hăr Yorlah păng hŏ ƀư tih jêh đah Brah Yêhôva.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:33

Brah Yêhôva ma phung tahan lah: “Phung kon sau Israel jêh ri phung kon sau Yuđa bu tŭn jot da dê; đơ phung nhŭp leo khân păng nkân khân păng ăn rjăp da dê, mâu ŭch mƀơk khân păng ôh.

Êsêkiêl 34:5

Yorlah mâu geh bunuyh rmăk leo pôri khân păng nchah rai nhhơt, jêh ri tơlah khân păng lĕ nchah rai nhhơt jêh khân păng jêng mpa sa ma lĕ rngôch mpô mpa bri.

Êsêkiêl 35:12

May mra gĭt Gâp, Brah Yêhôva, hŏ tăng lĕ nau suai rak may ngơi jêh tâm rdâng đah lĕ yôk Israel, pô aơ: “Lĕ yôk nây hŏ jêng rngol jêh ri jao jêh ăn ma he sa rvăn.”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Daniel 9:6

Hên mâu gŭ iăt ôh ma phung oh mon May jêng phung nơm mbơh lor, lĕ phung hŏ sŏk amoh May ngơi ma phung hađăch, ma phung kôranh, jêh ri ma phung chô yau hên ndrel ma lĕ rngôch phung ƀon lan tâm n'gor bri.

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 11:5

Phung rvăt biăp gay nkhĭt lơi mâu saơ ôh khân păng nơm geh nau tih, bi ma nơm tăch lah pô aơ: ‘Tâm rnê ma Brah Yêhôva, yorlah gâp hŏ jêng ndrŏng jêh!’ Pôri phung rmăk biăp mâu geh ôh nau yô̆ nđach djê̆ lê̆ ro ma khân păng.”

I Timôthê 1:1

Y-Pôl, kôranh oh mon Brah Yêsu Krist tĭng nâm nau ntăm bơh Brah Ndu, Nơm tâm rklaih he, jêh ri bơh Brah Yêsu Krist, nau he kâp gân,