Yêrêmi 50:6 - Nau Brah Ndu Ngơi 2023

⁶ Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 50:6 Iomraidhean Croise

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 23:2

Păng ƀư ăn gâp rlu tâm ndrêch gơ̆ nse, Njŭn gâp tâm tu dak rngân đăp mpăn.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 30:15

Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Yêrêmi 10:21

Phung rmăk biăp rluk da dê, Mâu joi dăn ma Brah Yêhôva. Yor nây khân păng mâu dơi ndrŏng kuăng, Lĕ rngôch phung biăp khân păng du êng êng.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 23:1

Brah Yêhôva lah: “Rêh ni ngăn ma phung rmăk biăp ƀư rai jêh ri ƀư nchah rai pru pra biăp tâm ndrêch gơ̆ Gâp!

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Yêrêmi 33:12

Brah Yêhôva ma phung tahan lah: ‘Tâm ntŭk rngol aơ, mâu geh du huê bunuyh ôh, mâu lah mpô mpa, jêh ri tâm ăp rplay ƀon păng, mra geh tay ndrêch gơ̆ ăn ma phung rmăk biăp djôt leo phung biăp păng văch gŭ rlu.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Êsêkiêl 13:10

N'hêl nanê̆ ngăn, yorlah khân păng ndơm phung ƀon lan Gâp, lah pô aơ: ‘Đăp mpăn’, ƀiălah mâu geh nau đăp mpăn ôh. Tơlah geh bunuyh ndâk mpêr, pôri, khân păng mhĭng ma klo nglang!

Êsêkiêl 34:14

Gâp mra chiăp rong khân păng tâm ndrêch gơ̆ nse jêh ri ndrung n'gar khân păng mra ăn ta klơ lĕ yôk Israel, ta neh prêh phung Israel. Ta Nây, khân păng mra gŭ rlu kuen tâm drung ueh răm jêh ri sa ta ntŭk ndrêch gơ̆ nse ueh, nây jêng ta klơ lĕ yôk Israel.

Êsêkiêl 34:15

Gâp nơm yơh mra chiăp biăp Gâp jêh ri ăn khân păng rlu kuen,’ Kôranh Brah Yêhôva lah pônây.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Mathay 10:6

ƀiălah ueh lơn hăn ta phung biăp nhhơt tâm ngih Israel.

Mathay 15:24

Păng plơ̆ lah: “Bu njuăl Gâp văch, knŏng ma phung biăp nkhah du ngih Israel.”

Mathay 9:36

Tơlah saơ phung âk râk, Păng geh nau yô̆ nđach yorlah khân păng rêh ni jêh ri nchah rai nhhơt nâm bu phung biăp mâu geh bunuyh rmăk.

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.