Yêrêmi 50:44 - Nau Brah Ndu Ngơi 2023

⁴⁴ Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 50:44 Iomraidhean Croise

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 40:18

Pôri, đah mbu khân may ŭch rđĭl ma Brah Ndu, Mâu lah moh rup khân may tâm rđĭl ma Păng?

Êsai 40:25

Nơm Kloh Ueh lah: “Mbu đah khân may tâm rđĭl ăn tâm ban ma Gâp? Mbu nơm mra tâm ban đah Gâp?”

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Êsai 48:14

Lĕ rngôch khân may tâm rgum hom jêh ri iăt hom! Mbu nơm tâm phung khân păng mbơh jêh lĕ nau aơ? Nơm Brah Yêhôva rŏng Mra ƀư maak nuih n'hâm Păng tâm nau tâm rdâng ma ƀon Babilôn, Nting tur păng mra tâm rdâng đah phung Kaldê.

Yêrêmi 12:5

“Tơlah may nchuăt tâm rlong ndrel ma bunuyh nchuăt jâng hôm e hŏt rgănh, Pôri mâm dơi tâm rlong đah seh? Tơlah gŭ tâm neh đăp mpăn may hôm e chêh prah, Pôri mâm ƀư may tâm rdâng đah bri krŏng Yurdan?

Yêrêmi 25:38

Nâm bu yau mŭr luh bơh trôm, Yorlah neh khân păng hŏ jêng nau tâm rmot Tâm dâng mpiăt đao tŭn jot, Jêh ri nau ji nuih hâu ngăn.”

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Yêrêmi 50:15

Lam puăn mpeh troh nter hom tâm rdâng đah păng, Păng hŏ ran lăp jêh; Pôih nâp păng lĕ klưh rlâm, Pôih nâp păng hŏ rlâm rai jêh; Yor aơ jêng nau Brah Yêhôva har plơng bôk! Plơng hom bôk păng, Ƀư hom ma păng nâm bu păng hŏ ƀư jêh.

Sakari 11:3

Iăt hom, geh bâr phung rmăk biăp nhĭm vơl! Yorlah nau chrat ang khân păng lĕ rai jêh; Geh bâr rđuh ngrông bơh phung yau mŭr kon! Yor nau sưr Yurdan hŏ rai jêh!

Nau Kơp Bunuyh 16:5

jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.