Yêrêmi 50:2 - Nau Brah Ndu Ngơi 2023

² “Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 50:2 Iomraidhean Croise

Nau Mprơ Ơm 64:9

Lĕ rngôch bunuyh mra klach da dê, Khân păng mra mbơh nau kan Brah Ndu. Jêh ri gĭt rbăng rah vah nau păng ƀư jêh.

Nau Mprơ Ơm 96:3

Nkoch bri nau chrêk rmah Păng ta nklang lĕ bri dak, Mbơh lĕ nau kan khlay Păng ma phung ƀon lan.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Êsai 13:2

Ndâk hom du n'ha kơ ta klơ yôk hil! Nter ăn huy ma khân păng, Vơch ti kuăl khân păng Lăp mpông mpêr phung ndrŏng!

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 39:1

Tâm rnôk nây, hađăch Babilôn jêng Y-Mêrôdak Baladan, kon bu klâu hađăch Baladan, prơh bunuyh hăn njŭn samƀŭt jêh ri ndơ nhhơr ăn ma hađăch Hêsêkia, yorlah tăng lư păng ji jêh ri bah jêh.

Êsai 46:1

Brah Bel cha lôt, brah Nêbô prah sơmok, Rup brah khân păng bu rdeng ta klơ ndŭr kơi mpa bri jêh ri mpô mpa rong. Phung rup khân may vay tung Jêng du ndơ jâk, ƀư rgănh mpô mpa.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 48:6

May tăng jêh, aƀaơ aơ uănh hom lĕ nau nây. Khân may mâu mra mbơh hĕ nau nây? Ntơm aƀaơ, Gâp mra ăn may gĭt ma lĕ nau mhe, Jêng lĕ nau kan ndâp khân may mâu mâp gĭt ôh.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 4:16

“Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 51:12

Yơr hom kơ nau mbên, Hăn tâm lơh lĕ mpêr ƀon Babilôn! Ntop hom phung gak, Ndâk pôih gak, tâm pă phung tahan kâp lơh! Yorlah Brah Yêhôva hŏ nkra jêh nau Păng ŭch ƀư Nau Păng hŏ lah ma phung ƀon lan gŭ tâm bri Babilôn.

Yêrêmi 51:27

“N'hao hom kơ tâm n'gor bri; Uh nŭng ta nklang lĕ bri dak; Ndrăp rơm hom phung ƀon lan gay tâm lơh đah păng! Kuăl rgum hom phung bri hađăch: Ararat, Mini, Askênas văch tât lơh păng! Dơm hom du huê kôranh tahan toyh, Djôt leo seh ndơ tâm lơh rduh tâm lơh janh ktang âk nâm bu krah ndrach!

Yêrêmi 51:31

Tahan gak rmlak aơ tâm mâp ma rmlak ri, Lĕ nơm ntuh bâr aơ tât ma nơm ntuh bâr êng, Mbơh nau ăn ma hađăch Babilôn pô aơ Ƀon hađăch nây rai lĕ rngôch jêh.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Yêrêmi 51:52

Yor nây, Brah Yêhôva lah: “Aơ nar mra tât, Gâp mra phat dôih lĕ rup brah Babilôn Lam tâm bri păng, Đơ phung sôt rmanh mra rđêng nđor.

Yêrêmi 51:8

Ƀât lât, ƀon Babilôn lĕ tŭp jêh ri nchah rai jêh, Nhĭm vơl hom ma păng! Sŏk hom dak si ƀâu kah mhĭng ta sôt rmanh păng; Gĭt lah păng dơi bah?

Yêrêmi 52:31

Tâm năm rơh pe jât ma pơh rnôk Y-Jêhôjakin hađăch Yuđa jêng bu nă, nây jêng Y-Êvil-Mêrôdak, hađăch Babilôn ntơm chiă uănh, ta nar bar jât ma prăm tâm khay jât ma bar, hađăch aơ yô̆ an ma Y-Jêhôjakin, hađăch Yuđa, jêh ri luh bơh ndrung bu nă.

Yêrêmi 6:18

Yor pônây, hơi lĕ bri dak, iăt hom; Hơi lĕ rngôch phung tâm rƀŭn, gĭt hom lĕ nau mra tât ăn ma khân păng.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Daniel 3:14

Hađăch Nêbukatnetsar lah ma khân păng: “Ơ, Y-Sadrak, Y-Mêsăk, Y-Abetnêgô, di lĕ khân may mâu pah kan ma lĕ brah gâp jêh ri mâu yơk mbah ma rup mah gâp rdâk jêh?

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.