Yêrêmi 50:16 - Nau Brah Ndu Ngơi 2023

¹⁶ Ƀư ngroh lơi nơm srih ntil tă bơh Babilôn Jêh ri nơm djôt nhuĕ tâm yan rek. Yorlah klach mpiăt đao ma nơm tŭn jot Yor nây ăp nơm mra plơ̆ sĭt ndrel ma ndŭl mpôl păng nơm, Jêh ri nchuăt du ma ƀon tơm păng nơm.

Yêrêmi 50:16 Iomraidhean Croise

Êsai 13:14

Rnôk nây, tâm ban ma du mlâm njoih bu tĭng nhŭp, Tâm ban ma phung biăp mâu geh nơm chiăp, Ăp nơm mra sĭt ma phung ƀon lan păng nơm, Jêh ri ăp nơm mra du sĭt ta bri păng nơm.

Yêrêmi 25:38

Nâm bu yau mŭr luh bơh trôm, Yorlah neh khân păng hŏ jêng nau tâm rmot Tâm dâng mpiăt đao tŭn jot, Jêh ri nau ji nuih hâu ngăn.”

Yêrêmi 46:16

Păng ƀư âk bunuyh chêh prah, Bunuyh aơ prah ta klơ nơm êng, jêh ri nsum ndrel: ‘Gơnh dâk, plơ̆ sĭt ma ntŭk ƀon lan gâp, Plơ̆ sĭt ta ntŭk bri me deh gâp, Du ngai bơh tak đao nơm tŭn jot!’

Yêrêmi 51:23

Gâp mra dŏng may ƀư rai rmăk biăp jêh ri biăp păng, Nơm ƀư mir jêh ri ndrôk chuar mir. Gâp mra dŏng may ƀư rai phung kôranh toyh jêh ri phung kôranh chiă uănh.”

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Amôt 5:16

Yor nây, Brah Yêhôva jêng Brah Ndu ma phung tahan lah: “Tâm lĕ rngôch nhuang ƀon, bu mra nhhiăng nhĭm, Tâm lĕ rngôch trong sâng ta ƀon toyh, bu mra lah pô aơ: ‘Rêh ni ngăn! Rêh ni ngăn!’ Bu mra kuăl phung ƀư mir văch ma nau klâng rvê, Jêh ri phung nhĭm nkhôm văch gay mprơ ma nau mprơ rngot.