Yêrêmi 50:12 - Nau Brah Ndu Ngơi 2023

¹² Yor nây mê̆ khân may mra prêng ngăn, Bu deh ma khân may mra bêk prêng ngăn ngên. Ri, păng jêng nglĕ dŭt tâm lĕ bri dak, Du bri rdah, du bri kro đang, du ntŭk rngol.

Yêrêmi 50:12 Iomraidhean Croise

Êsai 14:22

Brah Yêhôva ma phung tahan lah: “Gâp mra dâk tâm rdâng ma khân păng. Gâp mra ƀư rai amoh Babilôn jêh ri phung hôm klen, nđâp ma phung kon sau jêh ri phung sau se,” Brah Yêhôva lah pônây.

Êsai 23:13

Uănh hom bri neh phung Kaldê! Ta aơ mâu hôm geh phung ƀon lan ôh. Phung Asiri hŏ ƀư ntŭk nây jêng ntŭk gŭ ma mpa bri janh. Khân păng rdâk ngih tŭm, nchueng ƀon, ƀư rai ngih hađăch, jêh ri ƀư jêng mbŭch rlâm rai nchah.

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 15:9

Du huê bu ur deh pơh kon păng saơ huăr rgănh, Roh n'hâm kêng lôch; Nar păng hŏ nhâp nklang nôk nar; Muh măt păng bêk prêng ngăn. Bi ma phung bunuyh hôm klen gŭ rêh Gâp mra jao ăn ma đao phung rlăng.” Brah Yêhôva lah pônây.

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 25:26

lĕ rngôch hađăch bri mpeh pa lơ, gŭ ngai mâu lah gŭ dăch, lĕ hađăch aơ tât ma hađăch ri; lĕ rngôch ƀon bri hađăch ta klơ neh ntu. Hađăch Sêsăk mra nhêt nglĕ dŭt.

Yêrêmi 49:2

Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Yêrêmi 51:43

Lĕ ƀon păng hŏ jêng nau klach krit ngăn, Jêng du n'gor bri sơh, bri rdah, N'gor bri mâu geh bunuyh gŭ ôh, Mâu geh du huê bunuyh prot rgăn.

Yêrêmi 51:47

Yor ri, aơ, nar mra tât, Gâp mra tâm rmal lĕ rup brah ƀon Babilôn; Lĕ rngôch bri păng geh nau bêk prêng, Bunuyh bu nkhĭt mra chôt khĭt ta nklang ƀon.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”