Yêrêmi 5:8 - Nau Brah Ndu Ngơi 2023

⁸ Khân păng nâm bu phung seh mât lay tĭng gar me, Ăp nơm tĭng groi pakơi ur phung chiau meng ngơi huêt huy.

Yêrêmi 5:8 Iomraidhean Croise

Nau Ntơm 39:9

Tâm ngih aơ, mâu hôm geh ôh bunuyh jêng toyh lơn ma gâp, jêh ri kôranh gâp mâu nhhuach ôh du ntil ndơ ma gâp, knŏng ay, yorlah ay jêng ur păng. Mâm gâp dơi nănh ƀư nau mhĭk toyh kơt nĕ jêh ri ƀư tih đah Brah Ndu?”

Ndrom Samƀŭt bơh Yôp 31:9

Tơlah nuih n'hâm gâp tŭp nau bu ur ndơm, Mâu lah grem kâp ta mpông ngih nơm chiau meng,

Nau Ngluh Êjipt 20:14

May mâu dơi ƀư tih văng tĭr.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Hôr 6:29

Nơm gŭ ndrel ma ur phung chiau meng păng tâm ban pônây lĕ; Ma mbu nơm pah ta păng mâu mra klaih ôh bơh nau tâm rmal.

Yêrêmi 13:27

Gâp hŏ saơ lĕ nau ƀơ̆ ƀơch bơh may, Nau tih văng tir, nau pâl tâm krĭ văng tĭr phung ka n'hong may, Ta klơ lĕ dor yôk, ta nklang mir. Ơ Yêrusalem, rêh ni ăn ma may! Ndah jŏ may mra mâu ŭch ƀư kloh?”

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 50:11

“Ơ phung ntŭng drăp ndơn Gâp, Yorlah khân may răm maak hâk răm, Nchuăt blă blơ ta lô̆ săk nâm bu ndrôk rah tâm nhuang plên ba, Nter huy nâm bu seh nkuăng găr me,

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Êsêkiêl 22:11

Ta ntŭk may, bunuyh aơ ƀư nau ƀơ̆ đah ur chiau meng păng, bunuyh êng ƀư ƀơ̆ đah ƀăn păng nơm, bunuyh êng đŏng ƀư prêng oh ruh păng jêng kon bu ur mbơ̆ păng.

Nau Vay Nkah Tay 5:18

May mâu dơi ƀư tih văng tĭr.

Nau Vay Nkah Tay 5:21

May mâu dơi kơnh ŭch ur nơm chiau meng may, mâu dơi kơnh ngih vâl bu, lŏ sre, oh mon bu ur oh mon bu klâu, ndrôk, seh bri mâu lah ăp moh ndơ jêng ndơ phung chiau meng may.’