Yêrêmi 5:5 - Nau Brah Ndu Ngơi 2023

⁵ Gâp mra tât mâp phung geh nau dơi Jêh ri ngơi đah khân păng, Yorlah khân păng gĭt rah vah trong Brah Yêhôva, Nau Brah Ndu păng lah.” Ƀiălah khân păng nơm hŏ nsum ndrel nsum ndrel nkê̆ch mâng mbăk, Tăch rse!

Yêrêmi 5:5 Iomraidhean Croise

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Nau Ngluh Êjipt 32:25

Lah Y-Môis saơ phung ƀon lan ƀư nau blă blơ, yorlah Y-Arôn ăn khân păng ƀư nau blă blơ, kŏ tât khân păng jêng nau bêk tanăp phung rlăng,

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Êsêkiêl 11:2

Păng lah ma gâp: “Hơi kon bunuyh, nây jêng phung bu klâu ŭch mĭn ƀư nau kue, ndâk njêng nau mhĭk tâm ƀon aơ.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Luka 18:24

Brah Yêsu uănh păng jêh ri lah: “Bunuyh ndrŏng lăp tâm ƀon bri hađăch Brah Ndu jêr ngăn!

Luka 19:14

Ƀiălah phung ƀon lan păng ta bri nây tâm rmot ma păng, rĭ dĭng khân păng njuăl bunuyh mbơh tĭng pakơi păng jêh ri lah: ‘Hên mâu ŭch ôh ma bunuyh aơ chiă uănh hên!’