Yêrêmi 5:31 - Nau Brah Ndu Ngơi 2023

³¹ Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 5:31 Iomraidhean Croise

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

Nau Hôr 17:4

Bunuyh ƀư ƀai rle nuih n'hâm mpeh bâr djơh mhĭk; Bunuyh vay ngơi mƀruh rkêng tôr iăt mpiăt nau mhĭk.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 20:6

Tâm nar nây, phung gŭ rgŏ kơh dak mƀŭt mra lah pô aơ: ‘Aơ, phung mpôl băl bunuyh he uănh geh nau kâp gân, jêh ri nchuăt tât gay tâm rklaih bơh hađăch bri Asiri, aƀaơ ri păng hŏ jêng nâm bu kơt nĕ yơh! He mâm he dơi klaih?’”

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 43:27

Chô yau may ƀư tih jêh, Phung chiă uănh tâm may dâk tâm rdâng đah Gâp.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 26:7

Lĕ phung kôranh ƀư brah, phung mbơh lor, jêh ri lĕ rngôch phung ƀon lan tăng da dê nau Y-Yêrêmi mbơh nau aơ tâm ngih Brah Yêhôva.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Nau Nhĭm Vơl 4:18

Bu n'gơr uănh nhuat jâng hên Gay ma hên mâu dơi hăn rŏ trong; Nau lôch dŭt ma hên hŏ dăch tât jêh! Nar hên hŏ lĕ jêh! Nglĕ dŭt hên hŏ tât jêh!

Êsêkiêl 13:10

N'hêl nanê̆ ngăn, yorlah khân păng ndơm phung ƀon lan Gâp, lah pô aơ: ‘Đăp mpăn’, ƀiălah mâu geh nau đăp mpăn ôh. Tơlah geh bunuyh ndâk mpêr, pôri, khân păng mhĭng ma klo nglang!

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Êsêkiêl 22:14

Tât nar Gâp mra phat dôih, dơi lĕ nuih n'hâm may dơi dơn đŏng jêh ri ti may ăt hôm jêng ktang lĕ? Gâp, Brah Yêhôva, hŏ ngơi jêh pôri Gâp mra ƀư ngăn nau nây.

Ndrom Samƀŭt bơh Ôsê 4:9

Rnôk nây mra tât, mâm phung ƀon lan jêng kôranh nơm ƀư brah kơt nây lĕ; Gâp mra tâm rmal khân păng yor trong khân păng hăn, Jêh ri har plơng tĭng nâm kan păng ƀư.

Ndrom Samƀŭt bơh Ôsê 6:10

Tâm ngih Israel, Gâp hŏ saơ du ntil nau ƀơ̆ ngăn; Ta nây, Êphraim ƀư nau ka n'hong, Israel jêng ƀơ̆ ƀơch!

Ndrom Samƀŭt bơh Ôsê 9:5

Mâm khân may mra ƀư tâm lĕ yan nau rƀŭn, Tâm nar rƀŭn ma Brah Yêhôva?

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.