Yêrêmi 5:3 - Nau Brah Ndu Ngơi 2023

³ Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 5:3 Iomraidhean Croise

Nau Ntơm 19:34

Ôi taơ, i nur lah ma oh păng: “Aơ, măng ndơh gâp lĕ bê̆ch nsum đah mbơ̆ jêh. Ăn he n'hơk păng ma ndrănh măng ta oi, ay mra bê̆ch nsum đah păng, gay ma he prăp mpôl ntil bơh mbơ̆ he.”

I Phung Hađăch 13:33

Jêh nau nây, Y-Jêrôbôam ăt mâu chalơi trong nau djơh mhĭk păng, ƀiălah hađăch ăt njêng phung kôranh ƀư brah ma lĕ ntŭk prêh klơ săch tâm phung ƀon lan; ma mbu nơm ŭch, păng ăn păng jêng kôranh ƀư brah ma lĕ ntŭk prêh klơ nây.

II Phung Hađăch 1:13

Hađăch prơh đŏng du huê kôranh ma prăm jât nuyh tahan rơh pe djôt leo prăm jât bunuyh tahan păng hăn. Kôranh aơ hăn hao, jêh ri tơlah văch ta ntŭk, chon kômâk panăp Y-Êli, vơh vơl: “Hơi bunuyh Brah Ndu, gâp dăn ma may uănh khlay nau rêh gâp jêh ri nau rêh prăm jât bunuyh aơ, jêng phung oh mon may.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 28:22

Tâm nau rêh ni, hađăch Ahas lơ ƀư tih lơn đah Brah Yêhôva;

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 51:8

May mra ăn gâp tăng nau maak răm, hâk maak Gay lĕ nting nđăng May hŏ nkê̆ch jêh dơi geh nau hâk răm.

Nau Mprơ Ơm 55:20

Phung mhĭk yơr ti tâm rdâng đah phung bunuyh gŭ đăp mpăn ndrel ma păng; Ƀư tih đah nau khân păng tâm rnglăp jêh.

Nau Hôr 21:29

Bunuyh mhĭk jan ƀư janh, Bi ma bunuyh sŏng ƀư nâp trong hăn păng nơm.

Nau Hôr 22:12

Măt Brah Yêhôva mât mray bunuyh geh nau blau mĭn, Ƀiălah Păng ăn roh lơi nau phung ƀai.

Nau Hôr 23:35

May mra ngơi pô aơ: “Bu dong gâp ƀiălah gâp mâu ji ôh! Bu mbang gâp ƀiălah gâp mâu dơi gĭt! Lah gâp kah rngăl, Gâp mra plơ̆ joi nhêt tay đŏng.”

Nau Hôr 27:22

Nđâp lah may sŏk rnai juh bunuyh rluk tâm mpăl juh nsum ndrel phe, Pôri nau rluk kŏ mâu chalơi lĕ bơh păng.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 15:7

Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Yêrêmi 35:13

“Brah Yêhôva ma phung tahan, Brah Ndu Israel, lah: Hăn ngơi hom ma phung Yuđa jêh ri phung gŭ ta ƀon Yêrusalem pô aơ: Brah Yêhôva lah: ‘khân may mâu sŏk dơn nau nkah nti, jêh ri mâu iăt hĕ nau Gâp ngơi?

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Kan Lêvi 26:23

Lôch jêh lĕ nau kan nây, khân may ăt mâu plơ̆ sĭt đŏng ma Gâp, hôm ma tâm rdâng đah Gâp,

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Amôt 4:8

Yor ri, bu hăn nsong blêng ntơm bơh ƀon toyh aơ tât ƀon toyh ri gay joi dak nhêt Ƀiălah joi mâu tŏng ôh dak ma nhêt. Ƀiălah khân may mâu plơ̆ sĭt ôh ma Gâp” Brah Yêhôva lah pônây.

Amôt 4:9

“Gâp hŏ dŏng sial duh jêh ri ndrŭng sa ba khân may. Geh âk n'gar trao, đang krăk ƀâu, tơm play rvi, tơm play ôlive khân may geh krah ndrach gĭnh mpŭng jêh. Ƀiălah khân may mâu lĕ plơ̆ sĭt ma Gâp,” Brah Yêhôva lah pônây.

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Samƀŭt Pôl Njuăl Ăn Ma Phung Nsing Ta Ƀon Rôm 2:2

He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn.

ហេឞ្រើ 12:9

Rlau lơn ma nĕ, mbơ̆ tâm nglay săk nduyh nkra, he hôm klach yơk, rlau lơn ma Mbơ̆ tâm huêng, mâu di hĕ he mra tông âk tơ̆ lơn gay geh nau rêh?