Yêrêmi 5:29 - Nau Brah Ndu Ngơi 2023

²⁹ Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 5:29 Iomraidhean Croise

Êsai 57:6

Lĕ lŭ toyh pler rlip tâm rlŭng jêng ntŭk prăp ma may; Nanê̆, nĕ jêng drăp ndơ may. May hŏ ƀư ndơ nhhơr nhêt, Jêh ri nhhơr jêh ndơ ƀư brah rnih môi ma khân păng! Nau Gâp dơi bah lĕ ji nuih yor nau nây?

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Yêrêmi 6:6

Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Yêrêmi 9:9

Brah Yêhôva lah: “Gâp mâu mra tâm rmal khân păng ma lĕ nau tih nây hĕ? Mâm Gâp mâu har plơng Ma du ndŭl mpôl dơi tâm ban pônây?”

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.