Yêrêmi 5:27 - Nau Brah Ndu Ngơi 2023

²⁷ Ngih vâl khân păng bêng ma nau mƀruh nchơt, Nâm bu ndrung bêng sĭm; Yor ri khân păng jêng ndrŏng geh jêh ri geh nau dơi,

Yêrêmi 5:27 Iomraidhean Croise

Ndrom Samƀŭt bơh Yôp 12:6

Vâl bok phung ntŭng geh nau đăp mpăn, Phung nsônh nau Brah Ndu ji nuih, Jêh ri phung ƀư sưr n'hao êng nơm dơi gŭ rêh mpăn rlêk.

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Yêrêmi 9:6

Brah Yêhôva lah: “May dôl gŭ rêh tâm nau mƀruh nây; Yorlah nau mƀruh khân păng dun nau gĭt năl Gâp.”

Ndrom Samƀŭt bơh Ôsê 12:9

Êphraim lah jêh: “Nanê̆ ngăn, gâp hŏ ndrŏng jêh; Gâp hŏ geh âk drăp ndơ ăn ma gâp nơm. Tâm lĕ rngôch kan gâp ƀư Mâu dơi saơ ôh du ntil nau kan mhĭk gay kơp jêng nau tih.”

Mika 1:12

Phung gŭ ta ƀon Marôt ƀrơn nuih n'hâm Dôl kâp gân nau ueh, Yorlah nau rêh ni jŭr tă bơh Brah Yêhôva Hŏ tât ta mpông ƀon Yêrusalem.

Sôphôni 1:9

Ta nar nây tâm ban lĕ, Gâp mra tâm rmal Lĕ rngôch phung nsăt rlau mbong vâl, Jêh ri phung ƀư ma ngih kôranh khân păng Bêng ma nau djơh mhĭk jêh ri nau ndơm.”

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.