Yêrêmi 5:24 - Nau Brah Ndu Ngơi 2023

²⁴ Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Yêrêmi 5:24 Iomraidhean Croise

Nau Ntơm 8:22

Moh nar neh ntu hôm, Pôri yan srih ntil jêh ri nau kăch roih, yan nđik jêh ri duh, Yan vai jêh ri yan puh, nar jêh ri măng, Mâu mra lôch ôh.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

Ndrom Samƀŭt bơh Yôp 29:23

Khân păng gŭ kâp gâp nâm bu gŭ kâp dak mih, Hă trôm mbung gŭ kâp nâm bu dơ dak mih yan kao.

Ndrom Samƀŭt bơh Yôp 38:37

Mbu nơm tŏng nau blau mĭn gay kơp lĕ ndâr tŭk, Mâu lah nkêng lĕ rngôch nông dak tâm trôk ăn dak hoch?

Ndrom Samƀŭt bơh Yôp 5:10

Păng ăn mih ta neh, Ăn dak djrah lam mir;

Nau Mprơ Ơm 147:8

Păng nkŭm lĕ ndâr trôk ma tŭk, Ndrăp dak mih ma neh ntu, Ƀư ăn gơ̆ hon tâm lĕ dor yôk.

Nau Mprơ Ơm 65:9

May chop khâl neh ntu jêh ri djrah păng, Ƀư ma păng geh neh ueh; Ăn n'hor dak Brah Ndu bêng ma dak. Păng rơm ndrăp neh ntu Gay ăn ba răch ma kon bunuyh.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.