Yêrêmi 5:19 - Nau Brah Ndu Ngơi 2023

¹⁹ Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 5:19 Iomraidhean Croise

Yêrêmi 13:22

Tơlah may ôp êng tâm nuih n'hâm: “Mâm ƀư lĕ nau kan aơ tât ăn ma gâp?” Nây jêng yor nau tih mhĭk may toyh ngăn Bu plơk nah bŭt may Săk jăn may geh dong bŭr.

Yêrêmi 16:13

Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:14

Di lĕ phung Israel jêng dĭk mâu lah du huê oh mon dơi deh tâm ngih kôranh lĕ? Pôri mâm ƀư bu ntŭng pit păng?

Yêrêmi 2:35

May hôm ngơi: ‘Gâp mâu geh tih, Nau ji nuih Păng du ngai jêh bơh gâp!’ Aơ, yorlah may ngơi: ‘Gâp mâu geh tih.’ Yor ri Gâp mra phat dôih may

Yêrêmi 5:18

Brah Yêhôva lah: “Nđâp lah pônây, tâm lĕ nar nây, Gâp mâu mra nkhĭt lĕ khân may ôh.

Yêrêmi 5:20

Mbơh hom nau aơ ma ngih Yakôb; Mpơl kan păng tâm bri Yuđa:

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Yêrêmi 9:13

Brah Yêhôva lah: “Yorlah khân păng chalơi nau vay Gâp hŏ ndâk ăn khân păng, mâu tông ôh bâr Gâp jêh ri mâu rêh tĭng nau vay Gâp.

Nau Nhĭm Vơl 5:8

Phung dĭk ŭch chiă uănh hên, Mâu geh ôh bunuyh sâm rklaih hên tă bơh ti khân păng.