Yêrêmi 5:15 - Nau Brah Ndu Ngơi 2023

¹⁵ Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 5:15 Iomraidhean Croise

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nau Mprơ Ơm 81:5

Păng rdâk nau nây jêng nau mbơh ma Yôsep Tơlah păng hăn tâm lơh đah bri Êjipt. Gâp tăng du ntil nau ngơi gâp mâu gĭt:

Êsai 28:11

Yor nây, Brah Yêhôva mra dŏng bâr mbung phung bu năch Jêh ri nau ngơi êng lah ma phung ƀon lan aơ.

Êsai 29:3

Gâp mra ƀư pôih văr jŭm may, Ƀư pôih nchueng jŭm may Rdâk pôih tâm rdâng đah may.

Êsai 29:6

Brah Yêhôva ma phung tahan mra phat dôih khân păng, Ma nglaih, nau n'găr neh, nau nteh ktang, Ma vănh blông ktang, sial phŭt, jêh ri ma mpiăt ŭnh hit.

Êsai 33:19

May mâu hôm mra saơ ôh phung ƀon lan ƀai nây, Jêng phung ƀon lan ngơi nau ngơi bu năch mâu dơi tăng rah vah ôh, Ngơi nau ngơi mâu dơi gĭt rbăng.

Êsai 39:3

Nơm mbơh lor Y-Êsai hăn mâp ma hađăch Hêsêkia jêh ri ôp: “Moh nau phung nây lah ma may, jêh ri mbah tă khân păng văch tât?” Y-Hêsêkia plơ̆ lah: “Khân păng văch tât tă bơh n'gor Babilôn bri ngai hăn chop khâl gâp.”

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Yêrêmi 1:15

Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 4:16

“Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 5:11

Yorlah lĕ ngih phung Israel jêh ri Yuđa Hŏ mbơh ngơi tâm rdâng đah Gâp da dê.” Brah Yêhôva lah pônây.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 9:26

nây jêng phung ƀon lan Êjipt, phung Yuđa, phung Êđôm, phung kon sau Ammôn, phung Môap jêh ri lĕ rngôch phung ƀon lan poih sŏk bar đah n'geng tôr jêh ri gŭ rêh tâm bri rdah. Yorlah lĕ rngôch ndŭl mpôl aơ mâu koh ntâu da dê, bi lĕ rngôch ngih phung Israel mâu koh ntâu tâm nuih n'hâm.”

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Amôt 6:14

Yor nây, Yêhôva Brah Ndu ma phung tahan lah: “Hơi ngih Israel, Gâp mra ăn du bri dak văch tâm rdâng đah khân may; Păng mra tŭn jot khân may, ntơm bơh ntŭk lăp ƀon Hamat Tât ta Dak N'hor Arabah.”

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

I Kôrintô 14:21

Tâm nau vay geh nau nchih: “Kôranh Brah lah: Gâp mra lah ma phung ƀon lan aơ bơh phung bunuyh ngơi nau êng, Jêh ri ma trôm mbung phung bu năch; nđâp lah pônây, khân păng mâu mra iăt Gâp.”

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,