Yêrêmi 5:12 - Nau Brah Ndu Ngơi 2023

¹² Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 5:12 Iomraidhean Croise

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nau Mprơ Ơm 10:6

Păng lah tâm nuih n'hâm: “Gâp mâu mra mpât n'gơ; Gâp mâu mra mâp nau mhĭk tât.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Yêrêmi 43:1

Lôch jêh nau Y-Yêrêmi nkoch ma lĕ rngôch phung ƀon lan lĕ nau Yêhôva Brah Ndu, nây jêng lĕ rngôch nau ngơi Yêhôva Brah Ndu khân păng hŏ prơh jêh păng hăn nkoch tay ma khân păng tăng,

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.

I Yôhan 5:10

Mbu nơm chroh ma Kon Brah Ndu geh nau mbơh nĕ tâm păng nơm. Mbu nơm mâu chroh ma Brah Ndu, păng mĭn Brah Ndu ngơi mƀruh, yorlah păng mâu chroh ma nau ngơi Brah Ndu mbơh nkoch jêh ma Kon Păng.

I Samuel 6:9

Khân may kâp uănh hom: Tơlah Hip Nau Tâm Rnglăp hăn hao tât mpeh n'gor bri păng nơm, jêng mpeh ma Bet-Sêmes, pôri Brah Yêhôva yơh nkhŭt nau mhĭk toyh aơ ta klơ he. Tơlah mâu di, pôri he mra gĭt pô aơ mâu di ti Păng rmal ma he, ƀiălah nau tât nây dơi tât tĭng nâm nau tât êng yơh.”