Yêrêmi 5:10 - Nau Brah Ndu Ngơi 2023

¹⁰ “Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yêrêmi 5:10 Iomraidhean Croise

II Nau Rêh Jêng 12:4

Y-Sisăk lăp lơh pit sŏk lĕ ƀon nâp tâm bri Yuđa, jêh ri tât ma Yêrusalem.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 4:27

Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 5:11

Yorlah lĕ ngih phung Israel jêh ri Yuđa Hŏ mbơh ngơi tâm rdâng đah Gâp da dê.” Brah Yêhôva lah pônây.

Yêrêmi 5:18

Brah Yêhôva lah: “Nđâp lah pônây, tâm lĕ nar nây, Gâp mâu mra nkhĭt lĕ khân may ôh.

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Êsêkiêl 12:16

Nđâp tơlah, Gâp mra om lơi ƀaƀă tâm phung khân păng klaih tă bơh tak đao, nau sa sât ji ngot, nau ji tưp nkhĭt gay ma khân păng dơi mbơh tay lĕ nau ƀơ̆ ƀơch khân păng ăn ma phung mpôl băl bunuyh khân păng mra hăn gŭ, jêh ri khân păng mra dơi gĭt Gâp jêng Brah Yêhôva.”

Êsêkiêl 14:17

Mâu lah tơlah Gâp ăn đao văch tât ta bri nây, jêh ri lah: ‘Đao mra rgăn ta bri nây jêh ri Gâp mra ƀư rai lơi bunuyh jêh ri mpô mpa tâm nây,’

Ndrom Samƀŭt bơh Ôsê 1:9

Brah Yêhôva lah: “Ntơ amoh păng jêng Y-Lô-Ammi, yorlah khân may mâu hôm jêng phung ƀon lan Gâp đŏng ôh jêh ri Gâp mâu lĕ hôm jêng Brah Ndu khân may.”

Amôt 9:8

Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.