Yêrêmi 5:1 - Nau Brah Ndu Ngơi 2023

¹ “Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Yêrêmi 5:1 Iomraidhean Croise

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Nau Mprơ Ơm 12:1

Hơi Brah Yêhôva! Dăn rklaih hên yorlah bunuyh klach yơk mâu hôm geh đŏng ôh, Bunuyh răp jăp hŏ du roh jêh ta bơh phung kon bunuyh.

Nau Mprơ Ơm 14:2

Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

Nau Mprơ Ơm 14:3

Lĕ rngôch vĭ nhhơt da dê; jêng ndrel tâm nau rai yot; Mâu geh du huê bunuyh ƀư nau ueh ôh, Nđâp tơlah du huê mâu geh lĕ.

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Nau Hôr 20:6

Âk bunuyh ngơi sưr pô aơ lah păng nơm jêng răp jăp, Ƀiălah mbu nơm dơi joi du huê bunuyh răp jăp?

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Nau Hôr 8:3

Êp meng mpông pêr, ta ntŭk lăp ƀon; Kêng mpông, nau blau mĭn kuăl ktang:

Nau Mprơ Ueh 3:2

Gâp mra dâk jêh ri hăn nsong jŭm ƀon toyh, Lam lĕ trong sâng jêh ri nkual toyh; Gâp joi nơm nuih n'hâm gâp rŏng kơnh. Gâp joi păng ƀiălah mâu mâp ôh.

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Yêrêmi 2:29

Mâm may hôm dơi tâm rlăch đah Gâp? Lĕ rngôch khân may tâm rdâng đah Gâp da dê.” Brah Yêhôva lah pônây.

Yêrêmi 44:15

Rnôk aơ, lĕ rngôch phung bu klâu gĭt jêh phung ur păng nhhơr ndơ ƀâu kah ăn ma phung brah êng, jêh ri lĕ rngôch phung bu ur geh măt ta nây, jêng du mpôl phung tâm rƀŭn âk, lĕ rngôch phung ƀon lan gŭ tâm ƀon Pathrôs tâm bri Êjipt, lah ma Y-Yêrêmi:

Yêrêmi 8:6

Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Yêrêmi 9:7

Yor nây, Brah Yêhôva ma phung tahan: “Aơ Gâp mra kret trih jêh ri rlong uănh khân păng Yorlah Gâp mra ƀư êng đah kon bu ur ƀon lan Gâp?

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Yôel 2:9

Khân păng rduh ran rlet ma ƀon toyh, nchuăt klơ mpêr ƀon, Hao lăp tâm ngih lăp ta mpông bloh nâm bu nuyh ntŭng.

Amôt 8:12

Rnôk nây, khân păng mra hăn nsong blêng ntơm bơh dak mƀŭt aơ tât dak mƀŭt êng, Ntơm mpeh pa lơ tât mpeh luh nar; Khân păng nchuăt ta aơ ta ri gay ŭch joi nau Brah Yêhôva ngơi, Ƀiălah joi mâu dơi saơ ôh.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Luka 14:21

Oh mon nây plơ̆ sĭt mbơh nau nây ma kôranh păng. Kôranh ngih hao ji nuih, lah ma oh mon: ‘Hăn hom ro luh padih trong sâng jêh ri lĕ trong jê̆ tâm ƀon djôt leo phung o ach, phung lŭt jâng ti, phung chieh măt jêh ri phung rvĕn lăp ta aơ.’

II Têsalônik 2:10

păng dŏng lĕ rngôch nau plĕch rlăm djơh mhĭk gay ndơm phung rai yot, yorlah khân păng mâu sŏk dơn ôh nau rŏng tâm nau ngăn gay dơn nau tâm rklaih.