Yêrêmi 49:8 - Nau Brah Ndu Ngơi 2023

⁸ Hơi ƀon lan gŭ ta ƀon Dêdan, Ndôn kơi hom nchuăt du pôn, krap tâm ntu jru! Yorlah Gâp mra ƀư ăn ma păng nau mhĭk Êsau, Tâm rnôk Gâp tâm rmal ma păng.

Yêrêmi 49:8 Iomraidhean Croise

Êsai 2:21

Khân păng mra lăp tâm trôm lŭ Jêh ri tâm ntŭk ntu lŭng tâm lŭ, Gay der nau krit kir bơh Brah Yêhôva Jêh ri nau ral bơh rnam Păng, Lah păng dâk ƀư n'gơ neh ntu.

Êsai 21:13

Nau mbơh lor ma Arâp: Ơ phung Dêdan tăch rgâl, Khân may mra bê̆ch măng tâm krŏng bri Arâp.

Êsai 34:5

Yorlah đao Gâp gŭ tâm trôk hŏ nhêt mpay jêh; Aơ, păng mra jŭr ŭch phat dôih bri Êđôm, Ma phung ƀon lan Gâp hŏ jao ma nau rai lôch gay phat dôih.

Yêrêmi 25:23

Dêdan, Têma, Bus, phung ƀon lan poih sŏk bar đah n'geng tôr;

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 48:28

Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Yêrêmi 48:44

Mbu nơm dơi du nchuăt tă bơh nau krit toyh Mra rhuh tâm ntu jru, Mbu nơm hao du luh tă ntu jru, Mra tŭp tâm dăk bu sân. Yorlah Gâp mra djôt năm nau tâm rmal Tât ma Môap,” Brah Yêhôva lah pônây.

Yêrêmi 48:6

Du hom, rklaih êng nau rêh khân ay may nơm, Nâm bu rlô pôm si tâm bri rdah!

Yêrêmi 49:30

Brah Yêhôva lah: “Ơ phung gŭ tâm ƀon Hasôr, Du krap hom! Hăn du hom ntŭk ngai ngăn! Pôn săk tâm ntŭk trôm yôk jru! Yorlah Y-Nêbukatnetsar, hađăch Babilôn, Ŭch tâm rdâng đah khân may, Nchră ƀư nau ƀư rai khân may.”

Yêrêmi 49:32

Sŏk seh samô khân păng ƀư ndơ bu pit in, Phung biăp âk khân păng ƀư ndơ sa kah. Gâp mra srih tĭng ăp mpeh rlong sial Đơ phung poih sŏk bar đah n'geng tôr; Gâp mra ăn nau mhĭk tât tă bơh ăp ntŭk jŭm khân păng.” Brah Yêhôva lah pônây.

Yêrêmi 50:27

Nkhĭt hom lĕ rngôch ndrôk nkuăng păng, Djôt leo ma ntŭk bu nkhĭt ƀư puăch. Rêh ni ngăn ma khân păng, yorlah nar ma khân păng hŏ tât jêh, Jêng rnôk bu tâm rmal ma khân păng!

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Êsêkiêl 25:13

‘Gâp mra yơr ti tâm rdâng đah bri Êđôm, mra ƀư rai lơi bunuyh jêh ri mpô mpa gŭ tâm nây; Gâp mra ƀư ma ƀon nây jêng rngol; ntơm bơh Têman tât ma Dêdan, khân păng mra chôt khĭt yor ma đao.

Malachi 1:3

Ƀiălah Gâp lĕ rŏng Y-Yakôb jêh ri tâm rmot ma Y-Êsau. Gâp mra ƀư rai gôl yôk păng mra jêng rngol, jêh ri jao lơi drăp ndơn păng ăn ma phung so bri tâm bri rdah.”

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”

Nau Tâm Mpơl 6:15

Phung hađăch ta neh ntu, phung toyh, phung kôranh tahan, phung ndrŏng, phung dơi toyh, lĕ rngôch phung dĭk, phung kon me du krap tâm lĕ trôm jêh ri ta nklang lĕ lŭ toyh ta klơ yôk.

Phung Kôranh Phat Dôih 6:2

Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.