Yêrêmi 49:6 - Nau Brah Ndu Ngơi 2023

⁶ Ƀiălah nar kăndơ̆, Gâp mra njŭn sĭt phung kon sau Ammôn tă bơh nau jêng dĭk nă,” Brah Yêhôva lah pônây.

Yêrêmi 49:6 Iomraidhean Croise

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Yêrêmi 46:26

Gâp mra jao khân păng ma ti nơm joi nkhĭt lơi nau rêh khân păng, tâm ti Y-Nêbukatnetsar, hađăch Babilôn, tâm ti phung kôranh tahan păng. Ƀiălah, rlet pakơi ta bri Êjipt mra hôm geh đŏng ƀon lan plơ̆ gŭ nâm bu rnôk saơm.” Brah Yêhôva lah pônây.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Yêrêmi 49:39

Ƀiălah tâm nar kăndơ̆, Gâp mra leo lĕ phung tă jêng bu nă phung Êlam plơ̆ sĭt.” Brah Yêhôva lah pônây.

Êsêkiêl 16:53

Gâp mra njŭn leo phung tă bơh nau jêng bu nă ma ƀon Sôdôm jêh ri ma phung kon bu ur păng plơ̆ sĭt, njŭn leo phung tă bơh nau jêng bu nă ma ƀon Samari jêh ri phung kon bu ur păng plơ̆ sĭt, jêh ri tâm ban lĕ njŭn leo phung tă bơh jêng bu nă ay gŭ ta nklang khân păng plơ̆ sĭt đŏng,

Daniel 11:41

Păng mra lăp tâm ban lĕ tâm n'gor bri chrêk rmah. Geh âk rbăn bunuyh mra cha lôt khĭt, ƀiălah phung ƀon lan Êđôm, phung Môap jêh ri du phung gĭt blau tâm ƀon lan n'gor Ammôn mra klaih bơh ti hađăch nây.