Yêrêmi 49:23 - Nau Brah Ndu Ngơi 2023

²³ Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.

Yêrêmi 49:23 Iomraidhean Croise

Nau Ntơm 14:15

Y-Abram tâm pă tahan, nôk măng ăn phung oh mon hăn lơh jêh ri hăn tĭng lơh phung rlăng tât ta ƀon Hôba, gŭ mpeh bơh lơ ƀon Damas.

Nau Ntơm 15:2

Ƀiălah Y-Abram ơh: “Hơi Kôranh Brah jêng Brah Yêhôva, moh ndơ May mra ăn ma gâp? Gâp mâu geh ôh oh kon, jêh ri bunuyh ndơn drăp gâp jêng Y-Êliêser, bunuyh Damas.”

II Samuel 17:10

Aƀaơ, phung ktang lơn lĕ rngôch, nđâp lah janh ktang nâm bu yau mŭr kđôi, mra phit yor nau klach; yorlah lĕ rngôch phung Israel gĭt jêh ma hađăch mbơ̆ may jêng du huê janh ktang, jêh ri phung gŭ ndrel păng jêng phung janh nănh da dê.

II Samuel 8:9

Tơlah hađăch ƀon Hamat, jêng Y-Toi, tăng lư ma Y-Đavit dơi jêh đah lĕ phung tahan Y-Hadadêser,

I Phung Hađăch 11:24

Tơlah Y-Đavit lơh nkhĭt phung tahan hađăch n'gor Sôba, Y-Rêson rgum tay băl du rnoh bunuyh gŭ văr jŭm păng nơm jêh ri ƀư kôranh chiă uănh phung nây. Khân păng hăn rlet ma ƀon Damas, gŭ ta nây jêh ri chiă uănh ƀon nây.

II Phung Hađăch 17:24

Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Phung Hađăch 18:34

Mbah ntŭk brah ƀon Hamat jêh ri brah ƀon Arpat? Mbah ntŭk brah ƀon Sêpharvaim, brah ƀon Hêna jêh ri brah n'gor Iva? Phung brah nây dơi tâm rklaih n'gor Samari bơh ti gâp lĕ?

II Phung Hađăch 19:13

Phung hađăch ƀon Hamat, hađăch ƀon Arpat, hađăch ƀon Sêpharvaim, hađăch ƀon Hêna, hađăch ƀon Iva mbah ntŭk khân păng gŭ?”

II Phung Hađăch 5:12

Mâu hĕ geh bar dak krong ta ƀon Damas jêng Amana jêh ri Pharpar mâu ueh lơn ma lĕ rngôch dak tâm n'gor Israel? Gâp mâu dơi hĕ ŭm tâm dak krong ta nây jêh ri jêng kloh?” Pônây, păng ndôn kơi jêh ri ji nuih hâu ngăn hăn plơ̆ sĭt.

II Nau Rêh Jêng 16:2

Dôl nây, Y-Asa sŏk prăk jêh ri mah tă tâm jay ngih Brah Yêhôva jêh ri tâm jay ngih hađăch njuăl tât ma Y-Ben-Hadat, hađăch Aram gŭ ta ƀon Damas, jêh ri lah pô aơ:

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Êsai 10:9

Mâu di hĕ Kalnô mra tâm ban ma Karkêmis, Hamat mra tâm ban ma Arpat, Samari mra tâm ban ma Damas lĕ?

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 13:7

Yor nây, lĕ rngôch ti huơi ngăn da dê Nuih n'hâm ăp nơm mra rai da dê.

Êsai 36:19

Ta ntŭk phung brah ƀon Hamat jêh ri ƀon Arpat? Ta ntŭk phung brah ƀon Sêpharvaim? Khân păng hŏ mâp tâm rklaih jêh lĕ n'gor Samari bơh ti gâp mâm dơi lĕ?

Êsai 37:13

Hađăch ƀon Hamat, hađăch ƀon Arpat, hađăch ƀon Sêpharvaim, hađăch ƀon Hêna, jêh ri hađăch ƀon Iva ta ntŭk?’”

Êsai 57:20

Ƀiălah phung ƀai jêng tâm ban ma dak mƀŭt rbuh, Mâu blau rlu ôh, Dak mpât ƀư klôn bŏk jêh ri neh ƀơ̆.”

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Yêrêmi 39:5

Ƀiălah phung tahan Kaldê hăn tĭng jêh ri tĭng ban Y-Sêdêkia tâm neh lâng ƀon Yêrikô; khân păng nhŭp hađăch jêh ri njŭn ăn ma Y-Nêbukatnetsar, hađăch Babilôn, ta ƀon Ribla, tâm bri Hamat. Ta nây, hađăch Y-Nêbukatnetsar phat dôih hađăch Sêdêkia.

Êsêkiêl 27:18

Yorlah may geh âk ntil ndơ, drăp ndơ rmeh rmai yor ri yơh phung Damas sŏk ndrănh krăk ƀâu tă bơh Helbôn jêh ri rsau biăp nglang tâm rgâl đah may.

Amôt 6:2

Pôri rgăn hom ta ƀon Kalnê jêh ri uănh; Ntơm bơh nây hăn hom tât ta ƀon toyh Hamat Jêh ri hăn trŭnh tât ta ƀon Gat phung philistin. Lĕ ƀon toyh nây jêng ueh lơn ma phung ƀon bri hađăch aơ lĕ bơh? Bri neh khân păng jêng toyh lơn ma bri khân may lĕ ƀơh?

Nahum 2:10

Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Nau Kơp Bunuyh 13:21

Pônây khân păng hăn hao jêh ri n'hut uănh n'gor ntơm bơh bri rdah Sin kŏ tât ta Rêhôp, dăch Hamat.

Kôranh Oh Mon 27:20

Dôl tâm lĕ nar, mâu geh nar, mâu geh mănh mbing mpơl, jêh ri phŭt chuănh ăt khôm ktang ngăn. Nglĕ dŭt, hên mâu hôm kâp gân ma nau dơi klaih ôh.

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.

II Kôrintô 11:32

Ta ƀon Đamas, kôranh n'gor gŭ tâm dâng hađăch Arêtas ăn bu gak njrăng ƀon Đamas gay ăn bu nhŭp gâp.

Nau Vay Nkah Tay 20:8

Phung kôranh chiă uănh lah tay ma phung ƀon lan: ‘Mbu nơm klach jêh ri n'hŭng? Ăn păng plơ̆ sĭt ta ngih păng, lah mâu klăp lah bunuyh nây mra ƀư ma băl păng rdja nuih n'hâm tâm ban ma păng.’

Yôsuê 14:8

Ƀiălah phung oh nâu gâp hăn hao ndrel ma gâp ƀư rdja nuih n'hâm ma phung ƀon lan, bi gâp răp jăp hăn tĭng jêh Yêhôva Brah Ndu gâp.

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.