Yêrêmi 49:2 - Nau Brah Ndu Ngơi 2023

² Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Yêrêmi 49:2 Iomraidhean Croise

II Samuel 11:1

Lăp yan kao jêng rnôk phung hađăch vay hăn tâm lơh. Y-Đavit prơh Y-Jôap ndrel phung tahan păng jêh ri lĕ rngôch phung Israel hăn tâm lơh; khân păng lơh rai phung Ammôn jêh ri nchueng jŭm ƀon Raba. Ƀiălah Y-Đavit hôm gŭ ta Yêrusalem.

Nau Mprơ Ơm 48:11

Ăn yôk Siôn maak răm, Phung kon bu ur Yuđa răm rhơn Yor nau May phat dôih.

Nau Mprơ Ơm 97:8

Ơ Brah Yêhôva, Siôn tăng jêh ri hâk maak, Phung kon bu ur Yuđa geh nuih n'hâm hâk răm da dê, Yor nau May phat dôih.

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 17:1

Nau mbơh lor ma Damas: “Aơ, ƀon Damas mâu hôm mra jêng du rplay ƀon toyh ôh Păng mra jêng du mbŭch ndơ rai.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 49:1

Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Êsêkiêl 21:20

gay ăn nuih n'hâm khân păng rai lêk jêh ri ƀư chêh prah. Gâp ăn dơm jêh đao rduh lơh tâm lĕ rngôch mpông khân păng. Vơ! mlâm đao dơi ƀư lơp nglaih, hơr mplanh gay ma nkhĭt bunuyh!

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Amôt 1:14

Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Apdia 1:19

Phung gŭ ta Nêgep mra ndơn yôk Êsau; Phung gŭ ta Sơphêla mra ndơn neh phung Philistin, Khân păng mra ndơn mir phung Êphraim jêh ri mir phung Samari; Phung Benjamin mra ndơn neh Gilêat.

Nau Kơp Bunuyh 10:9

Nôk tâm n'gor geh tâm lơh jêh ri ăn khân may hăn du luh tâm lơh tâm rdâng đah phung rlăng tŭn jot khân may, pôri khân may mra uh nŭng ăn hăn tâm lơh. Nôk nây taơ, Brah Yêhôva Brah Ndu khân may mra kah gĭt ma khân may jêh ri rklaih ma khân may luh bơh phung rlăng.

Nau Kơp Bunuyh 21:25

Phung ƀon lan Israel pit sŏk lĕ ƀon phung Amôrit jêh ri gŭ tâm lĕ ƀon nây, nđâp ma lĕ ƀon Hêsbôn jêh ri tâm lĕ rngôch ƀon jê̆ jŭm.

Nau Vay Nkah Tay 13:16

Bun hom lĕ rngôch drăp ndơ hŏ pit sŏk jêh ăn ta ntŭk huy jêh ri su lơi ƀon toyh nây ma ŭnh nđâp ma lĕ rngôch ndơ dơi pit, nâm bu ndơ nhhơr ƀư brah gŭch nhhơr ma Yêhôva Brah Ndu khân may. Ƀon nây mra rai mro mrăng jêh ri bu mâu hôm dơi ndâk tay păng ôh.

Nau Vay Nkah Tay 3:11

(Knŏng geh Y-Ôk, hađăch n'gor Basan, phung Rêphaim, hôm rêh. Sưng bê̆ch hađăch nây ƀư ma loih mâu di hĕ păng gŭ ta ƀon toyh Raba phung kon sau Ammôn? Sưng bê̆ch nây jong rlau puăn met, dĭ du met pham.)

Yôsuê 17:11

Tâm n'gor neh Isakar jêh ri phung Aser, Manasê hôm geh ƀon Bet-Sêan nđâp ma lĕ ƀon jê̆ păng jêh ri ƀon Iblêam nđâp ma ƀon jê̆ păng, n'ho ma lĕ phung bunuyh gŭ tâm ƀon Dôrơ nđâp ma lĕ ƀon jê̆ păng, phung bunuyh gŭ tâm ƀon Ên-Dôr nđâp ma lĕ ƀon jê̆ păng, phung bunuyh gŭ tâm ƀon Tanak nđâp ma lĕ ƀon jê̆ păng, phung bunuyh gŭ tâm ƀon Mêgidô nđâp ma lĕ ƀon jê̆ păng, jêh ri ƀon tal pe jêng Naphat.

Yôsuê 17:16

Ƀiălah phung kon sau Y-Yôsep plơ̆ lah: “Bri klơ dor yôk mâu tŏng ntŭk ăn ma hên ôh, bi tâm neh lâng, lĕ rngôch phung Kanaan gŭ jêh ta nây, khân păng geh ndeh seh loih, phung Bet-Sêan nđâp lĕ ƀon jê̆ khân păng jêh ri phung gŭ tâm rlŭng Jesrêel, kơt nây đŏng.”