Yêrêmi 49:17 - Nau Brah Ndu Ngơi 2023

¹⁷ “Êđôm mra jêng du nau ƀơ̆, ăp nơm prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.”

Yêrêmi 49:17 Iomraidhean Croise

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

Yêrêmi 18:16

Bri dak khân păng jêng ntŭk rngot njăp, Ƀư nau gơm mưch mro mrăng ma neh ntu; Nơm sĭt nơm hăn hih rhâl da dê Knŏng hôm gĭt rteh bôk.

Yêrêmi 49:13

Brah Yêhôva lah: “Gâp hŏ ton lah ma Gâp nơm ƀon Bôsra mra jêng ndơ ƀơ̆ ƀơch, ndơ bu ntêh rmot, ntŭk rngot njăp, jêh ri ntŭk bu rak rtăp. Jêh ri lĕ rngôch ƀon toyh păng mra jêng rngot njăp n'ho ro.”

Yêrêmi 50:13

Yor nau Brah Yêhôva ji nuih, mâu mra geh ôh bunuyh tât gŭ ta ntŭk păng, Lĕ rngôch jêng rngot njăp da dê; Mbu moh hăn rgăn ma bri Babilôn hih rhâl da dê Jêh ri gơm mưch ma nau sôt rmanh păng.

Yêrêmi 51:37

Ƀon Babilôn mra jêng du mbŭch ndơ djơh rai, Jêng trôm so bri, Jêng ntŭk ƀơ̆ ƀơch jêh ri ndơ gơm ma lĕ rngôch bunuyh, Mâu geh bunuyh gŭ ôh.

Êsêkiêl 25:13

‘Gâp mra yơr ti tâm rdâng đah bri Êđôm, mra ƀư rai lơi bunuyh jêh ri mpô mpa gŭ tâm nây; Gâp mra ƀư ma ƀon nây jêng rngol; ntơm bơh Têman tât ma Dêdan, khân păng mra chôt khĭt yor ma đao.

Êsêkiêl 27:36

Phung bunuyh tăch drăp gŭ ta nklang phung ƀon lan suai rak may. May jêng nau klach krit ngăn; Jêh ri bu ƀư rai n'ho ro!’”

Êsêkiêl 35:15

Yorlah may hâk răm jêh dôl drăp ndơn ngih Israel lĕ jêng rngol, yor nây Gâp ăt ƀư ma may tâm ban pônây lĕ. Hơi yôk Sêir, may ndrel ma lĕ bri Êđôm, ma nau nây lĕ rngôch n'gor mra jêng rngol, jêh ri khân păng mra gĭt Gâp jêng Brah Yêhôva.”

Êsêkiêl 35:3

Lah hom ma khân păng, Kôranh Brah Yêhôva lah: ‘Hơi yôk Sêir, Aơ, Gâp tâm rdâng đah may! Gâp mra yơr ti tâm rdâng đah may, ƀư ăn may jêng rngot njăp, ntŭk rngol.

Êsêkiêl 35:7

Pôri Gâp mra ƀư ma yôk Sêir jêng rngol, jêng nsoih dơm jêh ri ăn păng geh rai, mâu hôm geh bunuyh prot rgăn ta nây đŏng ôh.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Nau Vay Nkah Tay 29:22

Phung kon sau khân may pakơi taơ tâm ăp rô̆ kăndơ̆ jêh ri bunuyh bu năch văch bơh n'gor ngai mra saơ lĕ nau mhĭk Brah Yêhôva hŏ ăn tât jêh ta n'gor aơ nđâp ma lĕ nau ji tưp Păng dŏng gay rmal n'gor aơ.