Yêrêmi 49:1 - Nau Brah Ndu Ngơi 2023

¹ Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Yêrêmi 49:1 Iomraidhean Croise

Nau Ntơm 19:38

Oh păng deh đŏng du huê kon bu klâu ntơ moh păng Y-Ben-Ami. Nây jêng chô yau phung Ammôn tât nar aơ.

II Phung Hađăch 10:33

pit sŏk n'gor neh mpeh luh nar dak krong Yurdan; jêng lam nkual Gilêat, neh phung ndŭl mpôl Gat, Ruben, jêh ri Manasê, ntơm bơh ƀon Arôer, ta kơh dak krong Arnôn, ma tât lĕ nkual Gilêat jêh ri Basan.

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

II Nau Rêh Jêng 20:23

Phung Ammôn jêh ri phung Môap dâk tâm lơh đah phung gŭ ta klơ yôk Sêir jêh ri ƀư rai lĕ khân păng. Lah ƀư rai jêh phung tahan gŭ ta Sêir, khân păng plơ̆ sĭt tâm ntâp nkhĭt ndrăng khân păng nơm.

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nêhêmi 4:7

Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Nau Mprơ Ơm 83:7

Phung Gêbal, phung Ammôn jêh ri phung Amalek, Phung Philistin đah phung gŭ tâm ƀon Tyre;

Nau Mprơ Ơm 9:6

Lĕ phung rlăng bu hŏ ƀư rai n'ho ro jêh; Kôranh Brah ƀư rlâm ƀon khân păng; Nau ndray kah gĭt ma khân păng ăt rai lôch jêh.

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 25:21

Êđôm, Môap, kon sau Y-Amôn;

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 27:3

Jêh nây, ăn may njuăl samƀŭt tât ma hađăch bri Êđôm, hađăch bri Môap, hađăch phung kon sau Y-Amôn, hađăch bri Tyre, jêh ri hađăch bri Sidôn, tă bâr mbung phung mbơh văch jêh ma ƀon Yêrusalem tâm mâp đah ma Y-Sêdêkia, hađăch Yuđa.

Yêrêmi 48:1

Brah Yêhôva ma phung tahan, Brah Ndu Israel, lah ma Môap kơt aơ: “Rêh ni ngăn ăn ma ƀon Nêbô, yorlah bu mra ƀư rai jêh! Ƀon Kiriathaim bêk prêng, yorlah bu sŏk pit jêh; Ƀon Misgap bêk prêng ngăn, yorlah bu ƀư rlâm jêh.

Yêrêmi 49:23

Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.

Yêrêmi 49:28

Ma phung Kêdar jêh ri ƀon bri hađăch Hasôr jêng Y-Nêbukatnetsar hađăch Babilôn hŏ lơh jêh, Brah Yêhôva lah kơt aơ: “Dâk hom rduh lơh ma phung Kêdar, Ƀư rai lơi phung ndŭl mpôl mpeh pa luh nar.

Yêrêmi 49:7

Brah Yêhôva ma phung tahan lah ma Êđôm kơt aơ: “Ah tâm ƀon Têman mâu hôm geh hĕ nau blau mĭn. Phung blau kơl nkah mâu hôm geh nau gĭt rbăng hĕ? Nau gĭt mĭn khân păng hŏ roh jêh mâu?

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Êsêkiêl 25:1

Geh nau Brah Yêhôva lah ma gâp:

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Nau Kơp Bunuyh 1:24

Kon sau Gat, tĭng nâm noi deh khân păng, dơi nchih amoh săk tĭng ăp ndŭl mpôl jêh ri rnăk vâl, jêng lĕ rngôch bu klâu ntơm bơh bar jât năm leo klơ tâm noi deh Gat mra dơi hăn nau tâm lơh,

Nau Vay Nkah Tay 2:19

Lah khân may tât dăch phung kon sau Ammôn, may lơi ôh tâm janh mâu lah rduh lơh khân păng, yorlah Gâp mâu mra ăn ôh n'gor phung Ammôn ma may jêng drăp ndơn. Gâp ăn jêh n'gor nây ma phung kon sau Y-Lot jêng drăp ndơn khân păng jêh.’

Nau Vay Nkah Tay 23:3

Phung Ammôn jêh ri phung Môap mâu dơi ôh lăp tâm phung Brah Yêhôva tâm rƀŭn, nđâp lah tât rô̆ tal jât kŏ mâu đŏng dơi lăp tâm phung Brah Yêhôva tâm rƀŭn.

Nau Vay Nkah Tay 23:4

Yorlah dôl khân may luh bơh Êjipt, khân păng mâu djôt leo ôh piăng let jêh ri dak gay ran vơt khân may, jêh ri khân păng hŏ nkhôm jêh Y-Balaam kon bu klâu Bêôr ƀon Pêthôr n'gor Aram Naharaim văch gay rak rtăp khân may.