Yêrêmi 48:9 - Nau Brah Ndu Ngơi 2023

⁹ Ăn hom kôp năr ma bri Môap, Gay ma păng mpăr hăn du; Lĕ rngôch ƀon toyh păng mra jêng rngot njăp, Mâu geh bunuyh gŭ ôh.

Yêrêmi 48:9 Iomraidhean Croise

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 55:6

Gâp lah: “Ơ! Ŭch ma gâp geh kôp năr tâm ban ma plŭk, Nanê̆ gâp mra mpăr du gay ma gŭ đăp mpăn!

Êsai 16:2

Ta ntŭk thơl dak krong Arnôn Bu mprơh phung bu ur Môap Tâm ban ma kon sĭm bu ntrŭt du tă bơh rsuăn.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 46:19

Ơ phung ƀon lan Êjipt, Ndrăp hom ndô ndơ gay ma hăn ƀư bu nă, Yorlah ƀon Nôp mra jêng rngol; Bu mra ƀư rai mâu geh bunuyh gŭ ôh.

Yêrêmi 48:28

Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Nau Tâm Mpơl 12:14

Ƀiălah bu ăn ma bu ur nây bar mlâm nting năr klang ƀŭng gay ma păng mpăr tât ta ntŭk păng nơm tâm bri rdah, ta ntŭk bu mât siăm păng dôl du rnôk, lĕ rnôk, jêh ri n'gul rnôk, der ngai bơh bêh nhŭk nhăk.