Yêrêmi 48:8 - Nau Brah Ndu Ngơi 2023

⁸ Nơm ƀư rai mra lăp tâm ăp rplay ƀon toyh, Mâu geh du rplay ƀon dơi klaih; Ntŭk rlŭng mra rai lôch Neh lâng bu mra ƀư rai lĕ, Tĭng nâm Brah Yêhôva hŏ lah jêh.

Yêrêmi 48:8 Iomraidhean Croise

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Êsêkiêl 25:9

yor nây, aơ, Gâp mra ƀư rai lĕ ƀon ntŭk n'har bri Môap, nây jêng lĕ rngôch ƀon ƀư nau chrêk rmah ma n'gor bri nây nâm bu ƀon Bet-Jêsimôt, ƀon Baal-Mêon jêh ri ƀon Kiriathaim.

Yôsuê 13:17

Hêsbôn jêh ri lĕ rngôch ƀon khân păng gŭ tâm bri neh lâng klơ dor, jêng Dibôn, Bamôt-Baal, Bet-Baal-Mêon,

Yôsuê 13:21

lĕ rngôch ƀon tâm bri neh lâng klơ dor jêh ri lĕ ƀon bri hađăch Sihôn, hađăch phung Amôrit, jêng nơm chiă uănh jêh ta ƀon Hêsbôn. Y-Môis lơh dơi jêh hađăch nây nđâp ma phung kôranh chiă uănh Madian, jêng Y-Êvi, Y-Rêkem, Y-Sur, Y-Hur, jêh ri Y-Rêba, jêng phung kon hađăch Y-Sihôn gŭ tâm n'gor neh nây.

Yôsuê 13:9

N'gor neh khân păng ntơm bơh Arôer ta klơ kơh rlŭng Arnôn jêh ri ƀon toyh gŭ ta nklang rlŭng nây, nđâp ma lĕ n'gor neh lâng klơ dor ntơm bơh Mêdêba tât ma Dibôn,